సీఎం కేసీఆర్‌తో బీఆర్ఎస్ ఏపీ అధ్య‌క్షుడు తోట చంద్రశేఖర్ భేటీ

Thota Chandrasekhar: BRS ఏపీ అధ్యక్షుడిగా ఇటీవల నియమితులైన తోట చంద్రశేఖర్.. ప్రగతిభవన్‌లో సీఎం కేసీఆర్‌తో భేటీ అయ్యారు. ఈ సందర్భంగా ఏపీలో పార్టీ పటిష్టత తదితర అంశాలపై చర్చించారు. తనను ఏపీ BRS అధ్యక్షునిగా నియమించినందుకు మరోసారి సీఎం కేసీఆర్‌కు తోట చంద్రశేఖర్ కృతజ్జతలు తెలిపారు. ఈ సమావేశంలో BRS ఏపీ నేత చింతల పార్థసారథి కూడా ఉన్నారు. ఏపీకి చెందిన మాజీ మంత్రి రావెల కిశోర్‌బాబు, మాజీ IAS తోట చంద్రశేఖర్, మాజీ IRS చింతల పార్థసారథి.. ముఖ్యమంత్రి కేసీఆర్ సమక్షంలో ఈనెల 2న BRSలో చేరారు. ఈ సందర్భంగా వారికి BRS కండువాలు కప్పి పార్టీలోకి ఆహ్వానించారు. వీరితో పాటు మరికొంతమంది ఏపీ నేతలు కూడా BRS పార్టీలో చేరారు.