BJP: నేటి నుంచి టీ-బీజేపీ విజయ సంకల్ప యాత్రలు

BJP: లోక్​సభ ఎన్నికల్లో మెజార్టీ స్థానాల్లో గెలుపే లక్ష్యంగా ఇవాళ్టి నుంచి విజయ సంకల్ప యాత్రలను బీజేపీ ప్రారంభించనుంది. 11 రోజుల పాటు సాగనున్న ఈ యాత్ర.. మార్చి 1న ముగియనుంది. 16 లోక్​సభ నియోజకవర్గాల్లో 112 అసెంబ్లీ సెగ్మెంట్లలో ఈ యాత్ర కొనసాగుతుంది. యాత్ర నిర్వహించేందుకు రాష్ట్రాన్ని ఐదు క్లస్టర్లుగా విభజించినట్టు బీజేపీ అధిష్టానం తెలిపింది. వాటికి కుమ్రంభీం, రాజరాజేశ్వరి, భాగ్యలక్ష్మి, కాకతీయ భద్రకాళీ, కృష్ణమ్మగా పేర్లు పెట్టింది. ఈ క్లస్టర్ల వారీగా పార్టీ నేతలు విజయ సంకల్ప యాత్ర చేపట్టనున్నారు. కుమ్రంభీం క్లస్టర్​లో భాగంగా నిర్మల్ జిల్లాలోని ముధోల్​లో యాత్ర ప్రారంభమై నిజామాబాద్ జిల్లాలోని బోధన్​లో ముగుస్తుంది. ఈ క్లస్టర్​లో మూడు లోక్​సభ సెగ్మెంట్లలోని 21 అసెంబ్లీ సెగ్మెంట్లను కవర్ చేయనున్నారు.