Singer Saichand: సాయిచంద్ భార్యకు కీలక పదవి.. కోటిన్నర ఆర్థిక సాయం..

Singer Saichand: ఇటీవల గుండెపోటుతో హఠాన్మరణం చెందిన గాయకుడు, రాష్ట్ర గిడ్డంగుల శాఖ కార్పొరేష‌న్ చైర్‌ప‌ర్స‌న్‌ సాయిచంద్ భార్యకు తెలంగాణ ప్రభుత్వం పదవిని ప్రకటించింది. రాష్ట్ర గిడ్డంగుల శాఖ కార్పొరేష‌న్ చైర్‌ప‌ర్స‌న్‌గా వేద ర‌జ‌ని నియామ‌కం కానుంది. ఆ సంస్థ చైర్మ‌న్‌గా ఉన్న గాయ‌కుడు సాయిచంద్‌.. ఇటీవ‌లే గుండెపోటుతో మ‌ర‌ణించిన సంగ‌తి తెలిసిందే. ఈ నేప‌థ్యంలో సాయిచంద్ భార్య ర‌జ‌నికే ఆ పోస్టును ఇవ్వాల‌ని సీఎం కేసీఆర్ నిర్ణ‌యించారు. కేసీఆర్ ఆదేశాల మేర‌కు సాయిచంద్ భార్య ర‌జ‌నిని నియ‌మిస్తూ ప్ర‌భుత్వం ఉత్త‌ర్వులు జారీ చేయ‌నుంది. సాయిచంద్‌ కుటుంబానికి రూ. కోటిన్నర ఆర్థిక సాయాన్ని బీఆర్ఎస్ పార్టీ వ‌ర్కింగ్ ప్రెసిడెంట్ కేటీఆర్ ప్రకటించారు. ఈ మొత్తాన్ని తమ పార్టీకి చెందిన ప్రజాప్రతినిధుల ఒక నెల వేతనం నుంచి సమకూరుస్తున్నట్లు కేటీఆర్ వెల్లడించారు.