దుబ్బాక ఉప ఎన్నికలో ఘన విజయం సాధించిన బీజేపీ అభ్యర్థి రఘునందన్ రావు ఎమ్మెల్యేగా ప్రమాణస్వీకారం చేశారు. స్పీకర్ ఛాంబర్లో పోచారం శ్రీనివాస్ రెడ్డి రఘునందన్ చేత ప్రమాణం చేయించారు. అనంతరం రఘునందన్ రావుకు మాజీ ఎంపీ జితేందర్ రెడ్డి, బీజేపీ ఎమ్మెల్యే రాజాసింగ్, ఎమ్మెల్సీ రాంచందర్ రావు, డిప్యూటీ స్పీకర్ పద్మా రావు శుభాకాంక్షలు తెలిపారు. ఈ కార్యక్రమానికి ముందు వీరంతా గన్పార్క్లోని అమరవీరుల స్తూపం వద్ద నివాళులర్పించారు.