Hyderabad Metro: హైదరాబాద్‌ పబ్లిక్‌కు గుడ్‌న్యూస్‌.. న్యూ ఇయర్ సందర్భంగా మెట్రో పనివేళల పెంపు

Hyderabad Metro: నూతన సంవత్సర వేడుకల సందర్భంగా హైదరాబాద్ మెట్రో కీలక నిర్ణయం తీసుకుంది. న్యూ ఇయర్ సందర్భంగా మెట్రో పనివేళలను పెంచుతున్నట్టు ఎండీ NVS రెడ్డి తెలిపారు. డిసెంబర్ 31న అర్ధరాత్రి వరకు మెట్రో రైలు సేవలు అందుబాటులో ఉండనున్నాయి. అర్ధరాత్రి 12 గంటల 15 నిమిషాలకు చివరి రైలు బయలుదేరనుంది. ఒంటి గంటకి గమ్యస్థానానికి చేరుకోనుంది. మెట్రో రైలు, స్టేషన్లలో సిబ్బంది, పోలీసుల నిఘా ఉంటుందన్నారు. మెట్రో స్టేషన్లలోకి మద్యం తాగి వచ్చినా, దుర్భాషలాడినా కఠిన చర్యలు తీసుకుంటామని ఎండీ హెచ్చరించారు. ప్రయాణికులు బాధ్యతాయుతంగా వ్యవహరించాలని ఆయన కోరారు.