Bandi Sanjay: తల నరికితే నరికించుకోడానికి రెడీ

Bandi Sanjay: కేసీఆర్ మాటి మాటికీ తన తల నరుకుతా అంటున్నారని.. ఆయన నరికితే నరికించుకోడానికి తాను సిద్ధమని బండి సంజయ్ అన్నారు. ముఖ్యమంత్రి హోదా లో ఉండి బూతులు మాట్లాడటం సమంజసమేనా అని నిలదీశారు. తెలంగాణ ప్రజల కోసం ఏ కష్టం పడేందుకైనా తాను సిద్ధమేనన్నారు. సీఎం స్థాయిలో ఉండి బూతులు మాట్లాడటం ఆయనకే చెల్లిందన్నారు. పార్లమెంటులో తెలంగాణ బిల్లు పెట్టిన రోజున కేసీఆర్ సభలో లేనే లేరని బండి సంజయ్ అన్నారు. రాష్ట్రానికి సంబంధించిన కీలక బిల్లు పెడుతున్నప్పుడు పార్లమెంటుకు హాజరుకాకుండా ఏ కీలక పనుల్లో బిజీ అయ్యారో ప్రజలకు తెలియచేయాలన్నారు.