Abhishek Singhvi Filed Nomination: రాజ్యసభకు నామినేషన్ దాఖలు చేసిన అభిషేక్ సింఘ్వీ

Abhishek Singhvi Filed Nomination: అభిషేక్ సింఘ్వి రాజ్యసభ ఉప ఎన్నికకు కాంగ్రెస్ పార్టీ తరపున తెలంగాణ నుండి నామినేషన్ దాఖలు చేశారు. ఈ కార్యక్రమానికి సీఎం రేవంత్ రెడ్డి, తెలంగాణ కాంగ్రెస్ పార్టీ ఇంచార్జ్ దీపాదాస్ మున్షి, డిప్యూటీ సీఎం మల్లు భట్టివిక్రమార్క, మంత్రులు, ఎమ్మెల్యేలు, ఎమ్మెల్సీలు, ఎంపీలు హాజరయ్యారు.

కే కేశవరావు బీఆర్ఎస్ పార్టీ నుండి బయటికి వచ్చి కాంగ్రెస్ పార్టీలో చేరిన నేపథ్యంలో ఆయన తన రాజ్యసభ పదవికి రాజీనామా చేశారు. దీంతో ఇక్కడి నుండి రాజ్యసభ ఉపఎన్నిక అనివార్యమైన సంగతి తెలిసిందే. ఈ క్రమంలోనే కేశవరావు రాజీనామాతో ఖాళీ అయిన రాజ్యసభ సభ్యుడి ఉప ఎన్నికకు అభిషేక్ మను సింఘ్వీ పేరును ప్రతిపాధిస్తూ తెలంగాణ కాంగ్రెస్ లెజిస్లేచర్ పార్టీ తీర్మానం చేసింది.

నిన్న ఆదివారం నానక్రాంగూడలోని ఓ హోటల్లో భేటీ అయిన సీఎల్పీ.. తెలంగాణ సీఎం రేవంత్ రెడ్డి తీసుకున్న ఈ నిర్ణయానికి తమ మద్దతు తెలియజేస్తున్నట్లు ప్రకటించింది.