Hyderabad: అర్ధరాత్రి వ్య‌క్తి దారుణ హ‌త్య‌.. గుర్తు తెలియని వ్యక్తి ఇంటి డోర్..

Hyderabad: హైదరాబాద్ నగరంలో ఆదివారం అర్ధరాత్రి దారుణ హత్య జరిగింది. నెరేడ్మెట్‎లో అర్ధరాత్రి అనంతనగర్ కాలనీలో రాత్రి ఇంట్లో నిద్రిస్తున్న శ్యామ్ సుందర్‎ను గుర్తు తెలియని దుండగుడు హత్య చేశాడు. గుర్తు తెలియని వ్యక్తి ఇంటి డోర్ కొట్టడంతో తలుపు తెరిచిన శ్యామ్ సుందర్‎తో దుండగుడు వాగ్వాదానికి దిగాడు. దీంతో అదికాస్త పెద్ద‌ద‌య్యింది. ఈ క్ర‌మంలో దుండ‌గుడు నిద్రమత్తులో ఉన్న శ్యామ్‎ త‌ల‌పై సిమెంట్ ఇటుకతో బ‌లంగా కొట్టాడు. అనంత‌రం అక్క‌డి నుంచి పారిపోయాడు. దీంతో శ్యామ్ తల్లి రేణుక పోలీసుల‌కు ఫిర్యాదుచేశారు. ఘ‌ట‌నా స్థ‌లాన్ని ప‌రిశీలించిన పోలీసులు కేసు నమోదు చేసి దర్యాప్తు ప్రారంభించారు.