ICC Rankings: ఐసీసీ ర్యాంకుల్లో టీమిండియా హవా.. మూడు ఫార్మాట్లలో అగ్రస్థానానికి చేరిన టీమిండియా

ICC Rankings: ఇంగ్లాండ్‌తో టెస్టు సిరీస్‌ను 4-1 తేడాతో గెలుచుకున్న టీమిండియా ICC ర్యాంకింగ్స్‌లో అగ్రస్థానాన్ని కైవసం చేసుకుంది. వరుసగా నాలుగు టెస్టులో విజయం సాధించి ర్యాంకింగ్స్‌లో 122 రేటింగ్ పాయింట్లతో టాప్‌లో నిలిచింది. 117 రేటింగ్ పాయింట్లతో ఆస్ట్రేలియా రెండో స్థానంలో ఉండగా, 111 రేటింగ్ పాయింట్లతో ఇంగ్లాండ్ మూడో స్థానంలో ఉంది. టెస్ట్ ఛాంపియన్‌షిప్‌ టేబుల్‌లోనూ భారత్ 68.51 పాయింట్ల శాతంతో అగ్రస్థానంలో ఉంది. టెస్ట్ ర్యాంకింగ్స్‌తో పాటు భారత్ మిగిలిన రెండు ఫార్మాట్లలో కూడా అగ్రస్థానంలో నిలిచింది. ODI ర్యాంకింగ్స్‌లో 121 రేటింగ్ పాయింట్లు.. టీ20ల్లో 266 రేటింగ్‌ పాయింట్లతో తొలిస్థానంలో ఉంది.