సినిమా హాళ్ళు తెరిచేందుకు కేంద్రం ఒకే.. స్కూల్స్ మాత్రం రాష్ట్రాల ఇష్టం!

కరోనా వైరస్ దెబ్బకు అన్ని వ్యవస్థలు ఎక్కడికక్కడ నిలిచిపోయాయి. లాక్ డౌన్ తరువాత మెల్ల మెల్లగా పరిస్థితులు మారుతూ వస్తున్నాయి. ఈ నేపధ్యంలో కరోనా ఆంక్షలు క్రమేపీ సడలిస్తూ వస్తోంది కేంద్ర ప్రభుత్వం. తాజాగా అక్టోబర్ 15 నుంచి మరిన్ని ఆంక్షలు సడలిస్తూ ఉత్తర్వులు జారీ చేసింది. వాటిలో ముఖ్యాంశాలు ఇవే..

కోవిడ్ ఆంక్షలు సడలిస్తూ కేంద్రం విడుదల చేసిన సరికొత్త మార్గదర్శకాలు

* పాఠశాలలు తెరిచే విషయంలో రాష్ట్రాలకే స్వేచ్ఛ

* కంటైన్మెంట్ జోన్లలో మరింత కఠినంగా ఆంక్షలు

* కంటైన్మెంట్ జోన్ల వెలుపల మరిన్ని సడలింపులు

* అక్టోబర్ 15 తర్వాత నుంచి ఆంక్షల సడలింపులు

* 50 శాతం సీటింగ్ సామర్థ్యంతో సినిమా థియేటర్లు, మల్టీప్లెక్సులు తెరిచేందుకు అనుమతి

* క్రీడాకారులు ఉపయోగించే స్విమ్మింగ్ పూల్స్ తెరిచేందుకు అనుమతి

* ఎంటర్‌టైన్మెంట్ పార్కులు, ఆ తరహా ప్రదేశాలు తెరిచేందుకు సైతం అనుమతి

* తెరుచుకోనున్న అన్ని చోట్లా కఠినంగా కోవిడ్ జాగ్రత్తల అమలు

* అక్టోబర్ 15 తర్వాత దశలవారిగా విద్యాసంస్థలు తెరిచేందుకు రాష్ట్రాలకు వెసులుబాటు

* పాఠశాలల్లో కఠినంగా కోవిడ్ జాగ్రత్తల అమలు

* ఆన్‌లైన్ - దూరవిద్య విధానాల కొనసాగింపు

* ఆన్‌లైన్ తరగతులు కోరుకున్న విద్యార్థులకు కొనసాగించుకునే అవకాశం

* విద్య, క్రీడ, వినోద, సాంస్కృతిక, మత, ధార్మిక, రాజకీయ సభలు సమావేశాలకు 100 మంది వరకు ఇప్పటికే అనుమతి

* 100 మందికి మించి అనుమతించే విషయంలో రాష్ట్రాలకు స్వేచ్ఛ

* మూసి ఉన్న హాల్స్ లో 50% సీటింగ్ సామర్థ్యంతో గరిష్టంగా 200 మంది వరకే అనుమతి

* ఓపెన్ హాల్స్, బహిరంగ ప్రదేశాల్లో గ్రౌండ్ సామర్థ్యాన్ని బట్టి గరిష్ట సంఖ్య నిర్ణయం

* ఇప్పటికీ కొనసాగే ఆంక్షల్లో అంతర్జాతీయ విమానయానం

* కంటైన్మెంట్ జోన్లలో అక్టోబర్ 31 వరకు కఠిన లాక్‌డౌన్

* అంతర్రాష్ట్ర ప్రజా రవాణా, సరకు రవాణాపై ఎలాంటి ఆంక్షలు లేవు