Manipur: మణిపుర్‌లో ఆగని ఆందోళనలు.. రెండు వాహనాలకు నిప్పు పెట్టిన ఆందోళనకారులు

Manipur: మణిపుర్‌లో ఆందోళనలు కొనసాగుతూనే ఉన్నాయి. కాంగ్లా కోటకు చేరుకున్న దాదాపు 200 మంది ఆందోళనకారులు రెండు వాహనాలకు నిప్పు పెట్టారు. సమాచారం అందుకున్న పోలీసులు అక్కడికి చేరుకున్నారు. అయితే ఆందోళన కారులు పోలీసుల నుంచి ఆయుధాలు లాక్కునేందుకూ ప్రయత్నించారు. దీంతో కాల్పులు జరిపిన పోలీసులు వారందరినీ చెదరగొట్టారు. అల్లర్ల కారణంగా ప్రజలు తీవ్ర భయాందోళనలకు గురవుతున్నారు. సమస్యాత్మక ప్రాంతాల్లో పోలీసులు భద్రతను కట్టుదిట్టం చేశారు.