ఆర్‌బిఐ 'ఎంపిసి' సమావేశం.. సామాన్యుల ప్రయోజనార్థం పెద్ద నిర్ణయం!

అక్టోబర్ 7, 8, 9 తేదీల్లో రిజర్వ్ బ్యాంక్ ఆఫ్ ఇండియా (ఆర్‌బిఐ) ద్రవ్య విధాన కమిటీ (ఎంపిసి) సమీక్ష సమావేశం జరగనుంది. దీనికి సంబంధించిన సమాచారాన్ని ఆర్‌బిఐ మంగళవారం విడుదల చేసింది. సమావేశం చివరి రోజు అంటే అక్టోబర్ 9 న ఆర్‌బిఐ గవర్నర్ శక్తి కాంత్ దాస్ విలేకరుల సమావేశం నిర్వహించి ఈ సమావేశంలో తీసుకున్న నిర్ణయాల గురించి తెలియజేస్తారు. రేపటి నుండి జరగనున్న ఈ 3 రోజుల సమావేశంలో వడ్డీ రేట్లు తగ్గించే నిర్ణయం తీసుకోవచ్చని సమాచారం. అలాగే మారటోరియంపై పెద్ద ప్రకటన ఉండే అవకాశం ఉందని కూడా ఆర్థికవేత్తలు అభిప్రాయపడుతున్నారు. ఇటీవల ఆర్‌బిఐ యొక్క ద్రవ్య విధాన కమిటీలో ముగ్గురు సభ్యులను నియమించారు.

ముగ్గురు ప్రముఖ ఆర్థికవేత్తలు ఆషిమా గోయల్, జయంత్ ఆర్ వర్మ, శశాంక్ భిడేలను ఎంపిసి సభ్యులుగా నియమించారు. ప్రధాని నరేంద్రమోదీ అధ్యక్షతన కేబినెట్ నియామక కమిటీ (ఎసిసి) ఈ పేర్లను ఆమోదించినట్లు వర్గాలు తెలిపాయి. ఆర్‌బిఐ చట్టం ప్రకారం కొత్తగా ముగ్గురు సభ్యులకు నాలుగేళ్ల కాలపరిమితి ఉంటుంది. కొత్త సభ్యులు చేతన్ ఘాటే, పామి దువా, రవీంద్ర ధోలకియా స్థానంలో ఉంటారు. వాస్తవానికి ఆర్‌బిఐ ఈ సమావేశాన్ని 29, 30 మరియు అక్టోబర్ 1న జరపాల్సి ఉంది. అయితే స్వతంత్ర సభ్యుల నియామకం ఆలస్యం కావడంతో సమావేశం వాయిదా పడినట్లు తెలిసింది.