Narendra Modi: బెంగాల్‌ లో మోడీ ఎన్నికల ప్రచారం

Narendra Modi: ప్రధాని నరేంద్రమోదీ పశ్చిమబెంగాల్‌లో తృణమూల్‌ కాంగ్రెస్‌ పార్టీపైన తీవ్ర విమర్శలు గుప్పించారు. అదేవిధంగా కాంగ్రెస్ పార్టీని ఎద్దేవా చేస్తూ సెటైర్‌లు వేశారు. బెంగాల్‌లోని ఉత్తర 24 పరగణాల జిల్లా బరాక్‌పూర్‌లో బీజేపీ శ్రేణులు ఏర్పాటు చేసిన ఎన్నికల ప్రచార సభలో మోదీ ప్రసంగించారు. తృణమూల్ కాంగ్రెస్‌ పార్టీ ఓటు బ్యాంకు రాజకీయాలు చేస్తోందని ఆరోపించారు. కాంగ్రెస్‌ అగ్రనేత రాహుల్‌గాంధీ పేరును ప్రస్తావించకుండానే ఈ లోక్‌సభ ఎన్నికల్లో కాంగ్రెస్ పార్టీకి ఆ పార్టీ యువరాజు వయస్సుకు మించికి ఓట్లు రావని ఎద్దేవా చేశారు. అంటే ప్రస్తుతం రాహుల్‌గాంధీ వయస్సు 53 సంవత్సరాలు కాబట్టి కాంగ్రెస్‌కు 53 కంటే ఎక్కువ సీట్లు రావని అన్నారు.