Flash News: కేంద్ర కేబినెట్‌ అత్యవసర భేటీ.. కాసేపట్లో రాజ్‌నాథ్‌ ప్రకటన!

Flash News: తమిళనాడులోని నీలగిరి ప్రాంతంలో ఆర్మీ హెలికాప్టర్ కుప్పకూలిన సంగతి తెలిసిందే. చీఫ్ ఆఫ్ డిఫెన్స్ స్టాఫ్ (సీడీఎస్) బిపిన్ రావత్, ఆయన కుటుంబ సభ్యులు ఈ హెలికాప్టర్ లో ఉన్నట్టు భావిస్తున్నారు. హెలికాప్టర్‌ కూలిన నేపథ్యంలో కేంద్ర కేబినెట్‌ అత్యవసరంగా సమావేశమైంది. ప్రధాని నరేంద్ర మోడీ సమక్షంలో కేంద్ర మంత్రివర్గం సమావేశం జరుగుతోంది. ప్రమాదంపై ప్రధానికి రాజ్‌నాథ్‌ వివరిస్తున్నట్లు సమాచారం. మరోవైపు ఈ ఘటనపై పార్లమెంట్‌లో రక్షణశాఖ మంత్రి రాజ్‌నాథ్‌ సింగ్‌ ప్రకటన చేసే అవకాశముంది. ఈ ఘటనపై వాయుసేన సమగ్ర దర్యాప్తునకు ఆదేశించింది.