భారత్ లో యాప్ ల నిషేధం : ఘోరమైన సంక్షోభంలో ఇంటర్నెట్ దిగ్గజం

ఇరు దేశాల దేశాల మధ్య సరిహద్దు ఘర్షణ తరువాత చైనా ఆర్థిక ప్రయోజనాలపై భారత ప్రభుత్వం దాడి చేసింది, 118 చైనీస్ యాప్ లపై బుధవారం నిషేధం విధించింది. దీంతో భారత్ లో ఇంటర్నెట్ దిగ్గజం టెన్సెంట్ గందరగోళంలో ఉంది.118 చైనీస్ అనువర్తనాలపై బుధవారం నిషేధంతో టెన్సెంట్ అతిపెద్ద నష్టాలలో కూరుకుపోయింది, దీని ప్రధాన ఆదాయ వనరు టిక్‌టాక్ బ్యాన్ తో మొదలైన సంక్షోభం మరికొన్ని యాప్ ల నిశేధంతో కొనసాగుతోంది. భారత్ లో టెన్సెంట్ కు 25 కంటే ఎక్కువ యాప్ లు ఉన్నాయి, ఇందులో కొన్నింటికి నేరుగా, మరికొన్నింటికి అనుబంధ భాగస్వామ్యాలు ఉన్నాయి. అందులో చాట్ ప్లాట్‌ఫాం వీచాట్ , క్యూక్యూ న్యూస్‌ఫీడ్ వంటి యాప్ లు కూడా ఉన్నాయి. టెన్సెంట్ న్యూస్ అండ్ ఎంటర్టైన్మెంట్ ప్లాట్‌ఫామ్ న్యూస్‌డాగ్, కెమెరా యాప్ యూకామ్, ఇ-కామర్స్ ప్లాట్‌ఫాం షీన్‌లలో కూడా పెట్టుబడులు పెట్టింది. ఈ యాప్‌లన్నీ ఇప్పుడు భారతదేశంలో నిషేధించబడ్డాయి.

నిషేధం తరువాత, హాంకాంగ్‌లో గురువారం జరిగిన ట్రేడింగ్‌లో టెన్సెంట్ హోల్డింగ్స్ 2% నష్టపోయింది. ఇది నిషేధించబడటానికి ముందు తీసుకున్న లెక్కలు, నిషేధం అనంతరం ఇంకా భారీగా నష్టాలు వచ్చే అవకాశం మెండుగా ఉందని నిపుణులు అంటున్నారు. భారత్ లో PUBG బాగా ప్రాచుర్యం పొందింది, ఇప్పటివరకు 175 మిలియన్ ఇన్‌స్టాల్‌లతో దేశంలోనే నంబర్ 1 స్థానంలో ఉంది, ప్రపంచవ్యాప్తంగా మొత్తం ఇన్‌స్టాల్‌లలో 24 శాతంగా ఉంది. భారతదేశంలో టెన్సెంట్ అవకాశాలపై PUBG నిషేధం గణనీయమైన ప్రభావాన్ని చూపుతుందని నిపుణులు తెలిపారు. ఇలా దాదాపు 30 యాప్ నిషేధం టెన్సెంట్ నెత్తిమీదకొచ్చింది. ఈ సంక్షోభాన్ని ఎలా అధిగమించగలదో చూడాలి.