Helicopter Crash: మ‌హారాష్ట్రలో కూలిన హెలికాప్టర్‌

Helicopter Crash: మ‌హారాష్ట్రలో ఓ ప్రైవేటు హెలికాప్టర్ కూలింది. ఈ ఘ‌ట‌న రాయ్‌గ‌డ్ జిల్లాలోని మ‌హ‌ద్ ప‌ట్టణంలో జ‌రిగింది. శివ‌సేన డిప్యూటీ నేత సుష్మా అధారే ఆ హెలికాప్టర్‌లో ప్రయాణించాల్సి ఉంది. అయితే ఆ నేత‌ను తీసుకువెళ్లేందుకు వ‌స్తున్న హెలికాప్టర్‌.. ల్యాండింగ్ స‌మ‌యంలో కుప్పకూలింది. ల్యాండింగ్ జ‌రుగుతున్నప్పుడు ఆ హెలికాప్టర్ అటూ ఇటూ ఊగి...బ్యాలెన్స్ త‌ప్పింది. ఆ హెలికాప్టర్‌ను అదుపు చేసేందుకు పైలెట్ ప్రయ‌త్నించినా ఫ‌లితం లేకుండాపోయింది. ఖాళీ మైదానంలో ఆ హెలికాప్టర్ ఒక్కసారిగా భారీ శ‌బ్ధం చేస్తూ కూలింది. హెలికాప్టర్ అటూ ఇటూ ఊగుతున్న స‌మ‌యంలోనే ఆ హెలికాప్టర్ నుంచి పైలెట్ కింద‌కు దూకాడు. ప్రమాదంలో హెలికాప్టర్ పూర్తిగా ధ్వంస‌మైంది.