CM KCR: తుల్జా భవానీ అమ్మవారిని దర్శించుకున్న కేసీఆర్

CM KCR: మహారాష్ట్రలో పర్యటిస్తున్న తెలంగాణ సీఎం కేసీఆర్‌.. తుల్జాపూర్‌లో కొలువైన తుల్జా భవానీ అమ్మవారిని దర్శించుకున్నారు. ఈ సందర్భంగా ఆలయం అధికారులు ఆయనకు ఘన స్వాగతం పలికారు. అనంతరం.. ఆలయంలో భవానీ అమ్మవారిని దర్శించుకొని మొక్కులు చెల్లించుకున్నారు సీఎం కేసీఆర్. అర్చకులు ఆయనకు ఆశ్వీర్వచనం చేసి తీర్థ ప్రసాదాలు అందజేశారు. ఇక.. ఇవాళ ఉదయం పండరీపురంలోని రుక్మిణీ సమేత విఠలేశ్వరస్వామి వారలను దర్శించుకొని, పట్టువస్త్రాలను సమర్పించారు సీఎం కేసీఆర్. ముఖ్యమంత్రి వెంట మంత్రులు హరీశ్‌రావు, ప్రశాంత్‌రెడ్డి, ఎర్రబెల్లి దయాకర్‌రావు, తలసాని శ్రీనివాస్ యాదవ్‌, జగదీశ్‌రెడ్డి, శ్రీనివాస్‌గౌడ్‌, సబితా ఇంద్రారెడ్డి, సత్యవతి రాథోడ్‌, రాజ్యసభ సభ్యుడు జోగినపల్లి సంతోష్‌కుమార్‌ ఉన్నారు.