Corona Cases in India: దేశవ్యాప్తంగా తగ్గిన కరోనా కేసులు

Corona Cases in India: రోజు రోజుకు ఆందోళన కలిగిస్తున్న కరోనా కేసులు కాస్తా తగ్గుముఖం పట్టాయి. రెండ్రోజుల నుంచి తగ్గుతున్న కేసులు 3వేల దిగువకు పడిపోయాయి. 24 గంటల్లో కొత్తగా 2వేల 568 కేసులు నమోదయ్యాయి. వైరస్ బారిన పడి ఒక్క రోజులోనే 20 మంది మృతి చెందారు. కొత్త కేసుల్లో సగానికి పై ఢిల్లీలోనే నమోదవుతున్నాయి. 24 గంటల్లో ఢిల్లీలో 14వందల 85 కొత్త కేసులు నమోదయ్యాయి. ఢిల్లీ తరువాత హర్యానా, కేరళ, కర్ణాటకల్లో అత్యధిక కేసులు నమోదవుతున్నాయి. ప్రస్తుతం దేశంలో 19వేల యాక్టివ్‌ కేసులు ఉండడం ఆందోళన కలిగిస్తోంది. నిన్నటితో పోల్చితే ఇవాళ 500కు పైగా కేసులు తగ్గాయి. ఒక్క రోజులోనే 2వేల 911 మంది కోలుకున్నారు. దేశంలో ఇప్పటివరకు 4 కోట్ల 30 లక్షల కేసులు నమోదవగా, 5 లక్షల 23 వేల మంది మృత్యువాత పడ్డారు.