ఫ్యాన్స్ కి చిరాకు తెప్పిస్తున్న యశ్ అతి జాగ్రత్తలు

Yash: "కేజిఎఫ్" ఫ్రాంచెస్ తో కన్నడ రాకింగ్ స్టార్ యష్ ప్యాన్ ఇండియా రేంజ్ లో పాపులారిటీ ను సంపాదించుకున్నారు. ఈ సినిమా ప్యాన్ ఇండియా రేంజ్ లో బ్లాక్ బస్టర్ కాగా యశ్ కి కూడా ప్రపంచవ్యాప్తంగా మంచి ఫ్యాన్ ఫాలోయింగ్ వచ్చింది. అయితే ఇంకొక రెండు మూడు నెలలు గడిస్తే సినిమా విడుదలై ఏడాది పూర్తవుతుంది. కానీ ఇప్పటిదాకా ఇంకా తన నెక్స్ట్ సినిమాని కనీసం మొదలు కూడా పెట్టలేదు. ఈ మధ్యనే యష్ గన్ షూటింగ్ కి సంబంధించి ఏదో ట్రైనింగ్ తీసుకుంటున్నట్లు ఒక వీడియో సోషల్ మీడియాలో హల్చల్ చేసింది.

ఇక యశ్ పుట్టినరోజు సందర్భంగా ఏదైనా సినిమాకి సంబంధించిన అప్డేట్ వస్తుంది ఏమోనని అభిమానులు ఆశపడ్డారు కానీ నిన్న సాయంత్రం వరకు దీనికి సంబంధించి ఒక్క వార్త కూడా బయటకు రాలేదు. ఇక యశ్ ను ప్రత్యక్షంగా కలుసుకోవాలని ప్లాన్ చేస్తున్న ఫ్యాన్స్ కి తాను ఈసారి అసలు బెంగళూరులో అందుబాటులోనే ఉండటం లేదని ప్రకటించి అభిమానులకి పెద్ద షాక్ ఇచ్చాడు యశ్. మరోవైపు తన నెక్స్ట్ సినిమాల కోసం మంచి డైరెక్టర్ ను వెతుక్కోవడంలో కూడా బాగా టైం తీసుకుంటున్నట్లు తెలుస్తోంది. "మఫ్టీ" ఫేమ్ డైరెక్టర్ నర్తన్ తో యశ్ ఒక సినిమా చేయబోతున్నారు అని వార్తలు వినిపించాయి. కానీ అధికారిక ప్రకటన మాత్రం వెలువడలేదు.

మరోవైపు నర్తన్ విజయ్ దేవరకొండ, రామ్ చరణ్ వంటి హీరోలను లైన్లో పెట్టడానికి ప్లాన్ చేస్తున్నారు. పోనీ కేజిఎఫ్ 3 సినిమా షూటింగ్ మొదలు పెట్టాలంటే డైరెక్టర్ ప్రశాంత్ నీల్ ప్రభాస్ "సలార్" సినిమాతో బిజీగా ఉన్నారు. ఏదేమైనా నెక్స్ట్ సినిమా విషయంలో యశ్ అతి జాగ్రత్తలు అభిమానులకు కూడా చిరాకు తెప్పిస్తున్నాయి.