బిగ్ బాస్ అభిజిత్ కి సపోర్ట్ గా స్టార్ హీరో!

యంగ్ స్టర్స్ తో సినిమాలు చేసి హిట్ కొట్టడం శేఖర్ కమ్ములకి ఉన్న స్పెషాలిటి. అందులో భాగంగానే ఓ నలుగురు యువకులతో కలిసి లైఫ్ ఈజ్ బ్యూటీ ఫుల్ అనే సినిమాని తెరకెక్కించాడు. ఈ సినిమాతోనే వెండితెరకి పరిచయం అయ్యాడు అభిజీత్. ఈ సినిమా తర్వాత మిర్చి లాంటి కుర్రాడు సినిమాతో పాటుగా పలు సినిమాలను చేశాడు అభిజిత్.. కానీ ఈ సినేమలేమి అభిజిత్ కి అంతగా పేరును తీసుకురాలేకపోయాయి.

దీనితో వెబ్ సిరీస్‌లు చేస్తూ కెరీర్‌ని బిల్డ్ చేసుకునే ప్ర‌య‌త్నం చేస్తున్నాడు అభిజిత్.. అందులో భాగంగానే బిగ్ బాస్ ఆఫ‌ర్ రావ‌డంతో హౌస్ లోకి ఎంట్రీ ఇచ్చాడు అభిజిత్. బిగ్ బాస్ హౌస్ లో ఫిజిక‌ల్ టాస్క్‌లు చేయ‌క‌పోయిన కూడా మైండ్ గేమ్ తో అభిమానుల హృదయాలను గెలుచుకుంటూ ముందుకు సాగుతున్నాడు. ఈ సీజన్ విన్నర్ అతనే అంటూ పలువురు సెలబ్రేటిలు అభిప్రాయపడుతున్నారు. అటు సోషల్ మీడియా వేదికగా కూడా అభిజిత్ విన్నర్ అని జోరుగా ప్రచారం సాగుతుంది.

ఈ క్రమంలో టాలీవుడ్ యంగ్ అండ్ స్టార్ హీరో విజయ్ దేవరకొండ అభిజిత్ కి పరోక్షంగా మద్దతు ఇచ్చాడు. లైఫ్ ఈజ్ బ్యూటీ ఫుల్ షూటింగ్ సమయంలో దిగిన ఓ పిక్ ని పోస్ట్ చేస్తూ.. ''మై బాయ్స్‌కి ఎప్పుడు శుభాకాంక్షలు ఉంటాయి..అది ఎక్కడైనా.. ఏదైనా'' అంటూ​ పోస్ట్‌ చేశాడు. ఇందులో అభిజిత్ ఉండడంతో విజయ్, అభిజిత్ కి సపోర్ట్ చేశాడని అందరూ భావిస్తున్నారు.