హరీష్ శంకర్ తో 14 రీల్స్ మరోసారి!

షాక్ సినిమాతో దర్శకుడిగా ఇండస్ట్రీకి పరిచయం అయ్యాడు హరీష్ శంకర్. మొదటి సినిమా డిజాస్టర్ అయినప్పటికీ కసితో మిరపకాయ్ సినిమా చేసి హిట్ కొట్టాడు. ఆ తరవాత పవన్ కళ్యాణ్ తో గబ్బర్ సింగ్ సినిమా చేశాడు. ఈ సినిమా ఇండస్ట్రీ హిట్ కావడంతో హరీష్ శంకర్ స్టార్ డైరెక్టర్ లలో ఒకడిగా నిలిచాడు. ఆ తర్వాత చేసిన రామయ్యా వస్తావయ్యా ఆడకపోయిన సుబ్రహ్మణ్యం ఫర్ సెల్ సినిమాతో మళ్ళీ లైన్ లోకి వచ్చాడు. గత ఏడాది గద్దలకొండ గణేష్ సినిమాతో మంచి హిట్ కొట్టాడు.

గద్దలకొండ గణేష్ చిత్రాన్ని 14 రీల్స్ ప్లస్ బ్యాన‌ర్‌పై రామ్ ఆచంట‌, గోపి ఆచంట నిర్మించారు. ఈ సినిమా మంచి హిట్ కావడంతో మరోసారి హరీష్ తో సినిమా చేసేందుకు సిద్దం అయ్యారు. ఈ విషయాన్ని వారే స్వయంగా ప్రకటించారు. డైరెక్టర్ హ‌రీష్ శంక‌ర్‌ గారితో కలిసి ఓ క్రేజీ ప్రాజెక్ట్ కోసం ప‌నిచేయ‌బోతున్నందుకు ఆనందంగా ఉంది. త్వర‌లోనే మ‌రిన్ని వివ‌రాల‌ను తెలియ‌జేస్తామని ఓ ప్రకటనలో తెలిపారు. అయితే ఇది పవన్ కళ్యాణ్ సినిమానా అనే అనుమానం కలుగుతుంది.

ఇప్పటికే పవన్ కళ్యాణ్ తో సినిమా ఉంటుందని హరీష్ శంకర్ ఇప్పటికే అనౌన్సు కూడా చేశారు. ఈ సినిమాని మైత్రి మూవీ మేకర్స్ నిర్మిస్తుండగా, దేవి శ్రీ ప్రసాద్ సంగీతం అందిస్తున్నాడు. ప్రస్తుతం స్క్రిప్ట్ వర్క్ నడుస్తోంది. డిసెంబర్ లో సెట్స్ పైకి వెళ్లనుంది, ఈ నేపధ్యంలో 14 రీల్స్ ప్లస్ బ్యాన‌ర్‌పై హరీష్ సినిమాని అనౌన్సు చేయడం ఆసక్తిని కలిగిస్తోంది. ఏది ఏమైనా దీనిపైన క్లారిటీ రావాల్సి ఉంది.