NTR 6 Getups In 'RRR' : ఎన్టీఆర్ ఫ్యాన్స్ కి గుడ్ న్యూస్.. ఆరు గెటప్స్ లలో తారక్?

NTR 6 Getups In 'RRR' : బాహుబలి లాంటి బ్లాక్ బస్టర్ హిట్ తర్వాత టాలీవుడ్ దర్శకధీరుడు రాజమౌళి తెరకెక్కిస్తున్న చిత్రం ఆర్.ఆర్.ఆర్ (రౌద్రం రణం రుధిరం).. పిరియాడిక్ యాక్షన్ డ్రామాగా తెరకెక్కుతున్న ఈ చిత్రంలో రామ్ చరణ్, ఎన్టీఆర్ ప్రధాన పాత్రలు పోషిస్తున్నారు. ఇందులో ఎన్టీఆర్ కొమరం భీమ్ గా నటిస్తుండగా, రామ్ చరణ్ అల్లూరి సీతారామరాజుగా నటిస్తున్నాడు. ఇందులో చరణ్‌కు జోడీగా బాలీవుడ్ భామ ఆలియా భట్ నటిస్తుండగా, తారక్‌కు జోడీగా ఒలీవియా మోరిస్ నటిస్తోంది. ఈ సినిమాని భారీ బడ్జెట్ తో డివివి దానయ్య నిర్మిస్తున్నారు. దాదాపుగా 80 శాతం షూటింగ్ ని కంప్లీట్ చేసుకున్న ఈ సినిమాని వచ్చే ఏడాది జనవరి 8న రిలీజ్ చేస్తామని చిత్ర యూనిట్ ఇప్పటికే ప్రకటిచింది.

అయితే ఈ సినిమా గురించి ఓ ఇంట్రెస్టింగ్ అప్డేట్ ఇప్పుడు సోషల్ మీడియాలో చక్కర్లు కొడుతుంది. అదేంటంటే.. కొమరం భీమ్ గా నటిస్తున్న తారక్ ఇందులో 6 గెటప్స్‌లో కనిపిస్తాడని ఫిలిం నగర్ లో న్యూస్ చక్కర్లు కొడుతుంది. విలన్లపై పోరాడే క్రమంలో రకరకాల వేషాలను ఆయన వేస్తాడనీ తెలుస్తోంది. కానీ దీనిపైన ఎలాంటి అధికార ప్రకటన లేదు.. ఇక ఇప్పటికే ఈ సినిమా నుంచి అల్లూరిగా చరణ్ లుక్ ని రిలీజ్ చేసిన జక్కన్న కరోనా వలన ఎన్టీఆర్ లుక్ ని రిలీజ్ చేయలేకపోయాడు. ఎన్టీఆర్ లుక్ కోసం అభిమానులు మాత్రమే కాదు యావత్ ఇండస్ట్రీ ఎదురుచూస్తుంది.

ఈ సినిమాలో ఎన్టీఆర్, చరణ్‌ లతో పాటు హిందీ సూపర్ స్టార్ అజయ్ దేవగన్, సముద్రఖని,శ్రియ ముఖ్యపాత్రలు పోషిస్తున్నారు. ఇక బాహుబలి లాంటి సినిమా తర్వాత రాజమౌళి నుంచి సినిమా వస్తుండడం, ఎన్టీఆర్ , రామ్ చరణ్ కలిసి నటిస్తుండడంతో సినిమాపైన మంచి అంచనాలు నెలకొన్నాయి. కీరవాణి సంగీతం అందిస్తున్నారు. విజయేంద్రప్రసాద్ కథని అందించారు.