Devara: వీడియో.. దేవర నుంచి మూడో సాంగ్ రిలీజ్.. స్టెప్పులతో దుమ్మురేపిన ఎన్టీఆర్-జాన్వీ..!

Devara: 'దేవర'.. తెలుగు రాష్రాల్లో ఈ సినిమాకి ఉన్న బజ్ నెక్స్ట్ లెవల్ అనే చెప్పాలి. మ్యాన్ ఆఫ్ మాసెస్ పాత్రలో యంగ్ టైగర్ ఎన్టీఆర్ ఈ సినిమాలో నటిస్తున్నాడు. కొరటాల శివ డైరెక్షన్‌లో పాన్ ఇండియా స్థాయిలో ఈ చిత్రం రెండు భాగాలుగా ప్రేక్షకులు ముందుకు రానుంది. ఎన్టీఆర్ ఆర్ట్స్‌, యువ సుధ ఆర్ట్స్ ప‌తాకాల‌పై ఈ సినిమాను భారీ బడ్జెట్‌తో నిర్మిస్తున్నారు. ఎన్టీఆర్ సరసన బాలీవుడ్ బ్యూటీ జాన్వీ కపూర్ హీరోయిన్‌గా నటిస్తుంది. తాజాగా మేకర్స్ ఈ సినిమా నుంచి మూడో పాట 'దావూదీ' రిలీజ్ చేశారు.

ఇప్పటికే రెండు పాటలను విడుదల చేసి ఎన్టీఆర్ ఫ్యాన్స్‌ను ఖుషీ చేసిన కొరటాల శివ మూడో సాంగ్ దీన్ని రెట్టింపు చేశాడు. పాట విషయానికి వస్తే అనిరుద్ మ్యూజిక్ డైరెక్టర్‌గా రామజోగ‌య్య శాస్త్రి తెలుగులో రాసిన ఈ పాట‌ను హిందీలో కౌస‌ర్ మునీర్, త‌మిళంలో విఘ్నేష్ శివ‌న్‌, మ‌ల‌యాళంలో మాన్‌కొంబు గోపాల‌కృష్ణ క‌న్న‌డ‌లో వ‌ర‌ద‌రాజ్ చిక్‌బ‌ల్లాపుర‌ రాశారు. న‌క‌ష్ అజీజ్‌, ఆకాశ తెలుగు, హిందీ, క‌న్న‌డ భాష‌ల్లో ఈ పాటను పాడారు. చాలా గ్యాప్ తర్వాత ఎన్టీఆర్ తన ఛార్మ్‌తో జాన్వీ మైమరపించే అందాలతో వచ్చిన ఈ పాటను ఫ్యాన్స్ ఎలా రిసీవ్ చేసుకుంటారో చూడాలి. ‘దేవర పార్ట్ 1’ను తెలుగు, తమిళ, హిందీ, కన్నడ, మలయాళ భాషల్లో సెప్టెంబర్ 27న విడుదల చేయనున్నారు.