Bigg Boss Telugu 8: ఈ వారం ఎలిమినేట్‌ అయ్యేది అతడేనా.? ఒక్కసారిగా మారిన లెక్కలు..

Bigg Boss Telugu 8: బిగ్‌బాస్‌ అంటేనే ట్విస్టులు, ఎప్పుడు ఏం జరుగుతుందో తెలియదు. అప్పటి వరకు టాప్‌లో ఉన్న వారు ఒక్కసారిగా కిందికి పడిపోతురు. జాబితాలో చివరిలో ఉన్న వారు ఒక్కసారిగా టాప్‌కి వెళ్తారు. కాగా బిగ్‌బాస్‌ 12వ వారం ఎలిమినేషన్‌లో కూడా ఇలాంటి ఊహించని పరిణామం జరగబోతోందని తెలుస్తోంది. ప్రస్తుతం 8వ సీజన్‌ చివరి దశకు చేరుకుంటోంది. ఇప్పుడు హౌజ్‌లో గౌతమ్, నిఖిల్, నబీల్, పృథ్వీ, యష్మీ, ప్రేరణ, అవినాష్, రోహిణి, విష్ణుప్రియ, టేస్టీ తేజ ఉన్నారు.

మొత్తం 10 మంది మిగిలారు. ఇక ఈసారి షోను విభిన్నంగా ప్లాన్ చేసిన బిగ్‌బాస్‌ నిర్వాహకులు 12వ వారం ఎలిమినేషన్‌ కోసం కొత్త పంథాను ఎంచుకున్నారు. హౌజ్‌ నుంచి ఎలిమినేట్ అయిన వారిని తిరిగి రప్పించి నామినేషన్‌ చేయించారు. దీంతో ప్రస్తుతం నామినేషన్స్‌లో నిఖిల్, ప్రేరణ, యష్మీ, పృథ్వీ, నబీల్ ఉన్నారు. దీంతో వీరిలో ఎవరు బయటకు వెళ్లనున్నారన్న ఉత్కంఠ అందరిలోనూ నెలకొంది.

ఓటీంగ్‌లో యష్మి ఒక్కసారిగా టాప్‌లోకి దూసుకొచ్చినట్లు తెలుస్తోంది. ప్రస్తుతం యష్మీ 2వ స్థానంలో ఉన్నట్లు తెలుస్తోంది. కాగా మొదటి స్థానంలో ప్రేరణ కొనసాగుతున్నట్లు సమాచారం. ఇక మూడో స్థానంలో నబీల్‌ ఉండగా. నాలుగు, ఐదు స్థానాల్లో నిఖిల్‌, పృథ్వీ ఉన్నట్లు తెలుస్తోంది. టాప్‌2లో ఉన్న నిఖిల్‌ ఒక్కసారిగా 4వ స్థానంలోకి పడిపోవడం గమనార్హం. దీంతో ప్రస్తుతం నిఖిల్‌, ప్రృథ్వీ ఇద్దరూ డేంజర్‌ జోన్‌లో ఉన్నట్లు స్పష్టమవుతోంది.

మరి వీరిద్దరిలో ఎవరి ఇంటి నుంచి వెళ్లిపోనున్నారన్నది ఆసక్తికరంగా మారింది. గత వారం ఎలిమినేట్‌ అవుతాడనుకున్న అవినాష్‌ తోటి హౌజ్‌ మేట్స్‌ సహకారంతో ఈ వారం ఎలిమినేషన్‌ నుంచి తప్పించుకున్నాడు. కాగా ఈ వారం ఎలిమినేట్‌ అయ్యే ఛాన్సెన్స్‌ పృథ్వీకి ఎక్కువగా ఉన్నట్లు వార్తలు వస్తున్నాయి. మరి ఈ వార్తల్లో ఎంత వరకు నిజం ఉందో తెలియాలంటే మరికొన్ని గంటలు వేచి చూడాల్సిందే.