Amaran Total Collections: ఆశ్చర్యానికి గురిచేస్తోన్న అమరన్ మూవీ కలెక్షన్స్

Amaran Movie Collections: తెలుగు వారికి సుపరిచితమైన శివ కార్తికేయన్, న్యాచురల్ బ్యూటీ సాయి పల్లవి జంటగా నటించిన అమరన్‌ దీపావళికి ప్రేక్షకుల ముందుకు వచ్చింది. రాజ్ కుమార్ పెరియస్వామి డైరెక్ట్ చేసిన అమరన్ మూవీ తెలుగు, తమిళ భాషలతో పాటు హిందీ, మలయాళం, కన్నడ భాషల్లోనూ ఆడియెన్స్ ముందుకొచ్చింది. మేజర్ ముకుంద్ వరదరాజన్ రియల్ స్టోరీ ఆధారంగా తెరకెక్కిన అమరన్ మూవీ తెలుగులో కూడా పాజిటివ్ టాక్ సంపాదించుకుంది.

అమరన్ మూవీ కలెక్షన్స్ విషయానికొస్తే.. ఎవ్వరూ ఊహించని విధంగారిలీజైన తొలి రోజు అన్ని భాషల్లో కలిపి అమరన్ మూవీ రూ. 42.3 కోట్ల ఓపెనింగ్ కలెక్షన్స్ సాధించినట్లు ట్రేడ్ వర్గాలు చెబుతున్నాయి. రెండో రోజు శుక్రవారం రూ.19.25 కోట్లు రాబట్టిందని చెబుతున్నారు. శనివారం నాటికి ఈ సినిమా వరల్డ్ వైడ్ కలెక్షన్స్ రూ. 80 కోట్లు దాటినట్లయితే.. ఈ వీకెండ్ పూర్తయ్యేటప్పటికీ అమరన్ మూవీ కూడా రూ. 100 కోట్ల క్లబ్ లో చేరే అవకాశం ఉందని బాక్సాఫీస్ వర్గాలు అంచనా వేస్తున్నాయి.

అమరన్ మూవీ రిలీజ్ కంటే ముందుగా ఈ సినిమాలో నటించిన సాయి పల్లవిపై సోషల్ మీడియాలో బాయ్ కాట్ సాయి పల్లవి అంటూ ఒక నెగటివ్ ట్రెండ్ వైరల్ అయింది. దీంతో ఈ ట్రెండ్ అమరన్ మూవీపై ఏమైనా పడుతుందేమోననే ఆందోళన నిర్మాతల్లో కనిపించింది. కానీ అమరన్ మూవీకి పాజిటివ్ టాక్ రావడంతో ఆ ప్రభావం సినిమాపై పెద్దగా కనిపించలేదంటున్నాయి బాక్సాఫీస్ ట్రేడ్ వర్గాలు.

సాయి పల్లవి అనగానే ముందుగా అందరికీ ముందుగా గుర్తొచ్చేది ఫిదా మూవీ. అందులో భానుమతి హైబ్రీడ్ పిల్ల.. ఒక్కటే పీస్ అంటూ చెప్పే డైలాగ్ అందరినీ ఆకట్టుకుంటుంది. ఫిదా చిత్రంతో తెలుగులోకి ఎంట్రీ ఇచ్చిన సాయి పల్లవి అందరి హృదయాలను గెలుచుకుంది. ఆ తర్వాత నటించిన ప్రతి చిత్రంలో తన మార్క్ కనబరుస్తూ పాపులారిటీని సంపాదించుకుంది. తెలుగు, తమిళ భాషల్లో ఎన్నో సినిమాల్లో అవకాశాలు వచ్చినా.. రికార్డు స్థాయి పారితోషికాలు ఆఫర్ చేసినా సాయి పల్లవి మాత్రం.. తన మనసుకు నచ్చిన సినిమాలు మాత్రమే సెలెక్టివ్‌గా చేస్తుంటుంది అనే పేరు సొంతం చేసుకుంది.

ఇక సాయి పల్లవి నటనతోనే కాదు డ్యాన్స్‌లతోనూ ఎంతో మంది అభిమానులను సంపాదించుకుంది. ఆమె సినిమా వస్తుందంటే పాటలు, డ్యాన్స్ కోసం చూసేవారు ఎక్కువే అని చెప్పాలి. ఇక అమరన్ సినిమాలో ఇందు రెబెకా వర్గీస్ పాత్రలో నటించిన సాయిపల్లవి.. తన నటనతో అందరినీ ఆకట్టుకుందని అంటున్నారు అభిమానులు. చిత్రంలో సైనికుడి భార్యగా ఆమె నటనకు అభిమానులు అభినందనలతో ముంచెత్తుతున్నారు.

నటన గురించి పక్కన పెడితే.. సాయి పల్లవికి తెలుగులో ఉన్న క్రేజ్ వల్లే ఈ చిత్రానికి ఓపెనింగ్ కలెక్షన్స్ వచ్చాయని చెబుతున్నారు. ఇక త్వరలోనే నాగ చైతన్యతో ఆమె కలిసి నటించిన తండేల్ చిత్రం కూడా విడుదలకు రెడీగా ఉంది. ఈ చిత్రంలో కూడా ఆమె పాత్రను దర్శకుడు చందు మొండేటి డిజైన్ చేసిన విధానం అందర్ని ఆకట్టుకుందుంటుందని సమాచారం. లవ్ స్టోరీ సినిమాలో వీరిద్ధరి జోడీకి మంచి రెస్పాన్స్ వచ్చిన విషయం తెలిసిందే. మరోసారి వీరిద్దరి కాంబోలో వస్తున్న తండేల్ సినిమాపై భారీ ఆశలే పెట్టుకున్నారు అభిమానులు. ఈ సినిమాకు ఎలాంటి రెస్పాన్స్ వస్తుందో చూడాలి మరి.