Ram Charan: రామ్ చరణ్ పాత్ర గురించి షాకింగ్ అప్డేట్..

Ram Charan: మెగా పవర్ స్టార్ రామ్ చరణ్ మరియు ఉప్పెన ఫేమ్ డైరెక్టర్ బుచ్చిబాబు సన కాంబినేషన్లో త్వరలో ఒక సినిమా ప్రేక్షకులు ముందుకు రాబోతున్న సంగతి తెలిసిందే. ఈ సినిమాపై భారీ అంచనాలు నెలకొన్నాయి. ఇక ఈ సినిమా గురించి సినిమాలో తన పాత్ర గురించి మాట్లాడుతూ రామ్ చరణ్ రంగస్థలం లో తాను పోషించిన చిట్టిబాబు పాత్ర కంటే ఈ పాత్ర పవర్ఫుల్ గా ఉండబోతోంది అని చెప్పినట్లు వార్తలు వినిపిస్తున్నాయి. దీంతో అసలు బుచ్చిబాబు దర్శకత్వంలో రామ్ చరణ్ ఎలాంటి పాత్ర చేయబోతున్నారు అని అభిమానులలో ఉత్కంఠ మొదలైంది.

తాజా సమాచారం ప్రకారం రామ్ చరణ్ పాత్ర గురించి కొన్ని ఆసక్తికరమైన విషయాలు ఇప్పుడు అందరి దృష్టిని ఆకర్షిస్తున్నాయి. ఈ సినిమాలో రామ్ చరణ్ ద్విపాత్రాభినయం చేయబోతున్నారు అని సమాచారం. ఈ సినిమా కబడ్డీ బ్యాక్ డ్రాప్ తో సాగుతుంది అని తెలుస్తోంది. ఇందులో రామ్ చరణ్ రెండు విభిన్న పాత్రలలో కనిపించబోతున్నారట. ఇద్దరు సోదరుల లాగా రామ్ చరణ్ డబల్ రోల్ లో కనిపించబోతున్నారు. వృద్ధి సినిమాస్ పతాకంపై వెంకటా సతీష్ కిలారు ఈ సినిమాని నిర్మిస్తున్నారు.

ఈ సినిమా షూటింగ్ సెప్టెంబర్ నుంచి పట్టాలక్కే అవకాశాలు కనిపిస్తున్నాయి. ఈ సినిమా కోసం మృణాల్ ఠాకూర్ లేదా జాన్వి కపూర్ ను హీరోయిన్ గా అనుకుంటున్నట్లు తెలుస్తోంది కానీ దీనికి సంబంధించిన అధికారిక ప్రకటన ఇంకా వెలువడలేదు. ఏ ఆర్ రెహమాన్ ఈ సినిమాకి సంగీతాన్ని అందించనున్నారు. మిగతా భాషలలో బిజీగా ఉన్న ఏ ఆర్ రెహమాన్ ఏడేళ్ల తర్వాత మళ్లీ తెలుగు సినిమా కోసం పనిచేయనున్నారు.