RRR: దటీజ్ యంగ్ టైగర్ ఎన్టీఆర్... యూట్యూబ్‌లో కొమరం భీం సరికొత్త రికార్డ్
RRR: దర్శకధీరుడు రాజమౌళి నుంచి ఏ సినిమా వచ్చినా అది సూపర్ హిట్టే.
జూనియర్ ఎన్టీఆర్ (ఫొటో ట్విట్టర్)
RRR: దర్శకధీరుడు రాజమౌళి నుంచి ఏ సినిమా వచ్చినా అది సూపర్ హిట్టే. బాహుబలి తరువాత అదే రేంజ్ లో యంగ్ టైగర్ ఎన్టీఆర్, రాం చరణ్ తో కలిసి 'ఆర్ఆర్ఆర్' సినిమా తీస్తున్న సంగతి తెలిసిందే. ఈ సినిమా విడుదలకు ముందు పలు రికార్డులను క్రియోట్ చేస్తూ... సినిమాపై అంచనాలను భారీగా పెంచేస్తుంది.
తాజాగా జూనియర్ ఎన్టీఆర్ యూట్యూబ్ లో ఓ సెన్సెషన్ క్రియోట్ చేశాడు. ఈ సినిమాలో ఎన్టీఆర్ కొమురం భీం రోల్ పోషిస్తుండగా, అల్లూరి సీతారామరాజుగా రామ్ చరణ్ నటిస్తున్న సంగతి తెలిసిందే. దసరా కానుకగా విడుదలైన ఎన్టీఆర్ 'రామరాజు ఫర్ భీమ్' వీడియో యూట్యూబ్ ను షేక్ చేస్తుంది.
ఈ టీజర్‌లో ఎన్టీఆర్ విశ్వరూపం చూపించారు మేకర్స్. దీంతో యూట్యూబ్‌లో 50 మిలియన్ వ్యూస్ క్రాస్ చేసిన మొట్టమొదటి తెలుగు టీజర్‌గా రికార్డు నెలకొల్పింది. దీంతో ఎన్టీఆర్ ఫ్యాన్స్ సంబురాలు చేసుకుంటూ ఈ వీడియోను తెగ వైరల్ చేస్తున్నారు. దటీజ్ ఎన్టీఆర్ స్టామినా అంటూ పొగడ్తలతో ముంచెత్తుతున్నారు. ఈ సినిమాలో ఆలియా భట్, ఒలీవియా మోరిస్ హీరోయిన్లుగా నటిస్తున్నారు.