Rakshasudu 2: కేవలం తమిళ ప్రేక్షకులు మాత్రమే కాక తెలుగు ప్రేక్షకులు కూడా ఆసక్తిగా ఎదురు చూస్తున్న సినిమాలలో "రాక్షసుడు 2" ఒకటి. సైకలాజికల్ థ్రిల్లర్ గా విడుదలైన "రాక్షసుడు" సినిమా తెలుగు రీమేక్ లో బెల్లంకొండ సాయి శ్రీనివాస్ హీరోగా నటించగా ఆ సినిమా సూపర్ హిట్ అయిన సంగతి తెలిసిందే. రమేష్ వర్మ సినిమాకి దర్శకత్వం వహించారు. ప్రస్తుతం రవితేజ తో 'ఖిలాడి' సినిమాతో బిజీగా ఉన్న రమేష్ వర్మ ఈ సినిమాకి సీక్వెల్ ను ప్రకటించారు. త్వరలోనే "రాక్షసుడు 2" సినిమా షూటింగ్ పట్టాలెక్కనుంది. ఫస్ట్ పార్ట్ నిర్మించిన కోనేరు సత్యనారాయణ ఈ సినిమాని కూడా నిర్మించనున్నారు.
అయితే ఈ సినిమా లో హీరోగా ఎవరు నటిస్తున్నారు అనే విషయం పై ఇంకా క్లారిటీ రావాల్సి ఉంది. ఇప్పటికే ఈ సినిమా కోసం దర్శక నిర్మాతలు కోలీవుడ్ స్టార్ విజయ్ సేతుపతి ని సంప్రదించారని తెలుస్తోంది. మరోవైపు ఈ సినిమా గురించిన మరొక ఆసక్తికరమైన విషయం ఇప్పుడు సోషల్ మీడియాలో హల్చల్ చేస్తోంది. ఈ సినిమా కోసం నిర్మాతలు ఏకంగా 100 కోట్ల బడ్జెట్ను కేటాయించనున్నారని తెలుస్తోంది. అంతేకాకుండా ఈ సినిమా షూటింగ్ పూర్తిగా లండన్ లో జరగనుందట. మరోవైపు ఈ సినిమాకి ప్యాన్ ఇండియన్ అప్పీల్ ను ఇవ్వడం కోసం ఒక బాలీవుడ్ నటుడిని రంగంలోకి దింపటానికి సన్నాహాలు కూడా చేస్తున్నారు.