Pushpa 2 Movie Updates: పుష్ప2 నుంచి క్రేజీ అప్‌డేట్.. సినిమాకే హైలెట్‌గా నిలవనున్న..

Pushpa 2 Movie Updates: అల్లు అర్జున్ హీరోగా సుకుమార్ దర్శకత్వంలో తెరకెక్కిన పుష్ప చిత్రం బాక్సాఫీస్ వద్ద ఎలాంటి వండర్స్‌ క్రియేట్ చేశాయో ప్రత్యేకంగా చెప్పాల్సిన పనిలేదు. దేశమంతా పుష్ప మేనియాతో ఓ రేంజ్‌లో ఊగిపోయింది. అల్లుఅర్జున్‌ అద్భుత నటన, సుకుమార్‌ మార్క్‌ దర్శకత్వం ఈ సినిమాను విజయతీరాలకు చేర్చాయి. ఇక పాన్‌ ఇండియా స్థాయిలో వచ్చిన ఈ సినిమా అన్నీ బాషల్లో ఊహకందని విజయాన్ని అందుకుంది. కాగా ప్రస్తుతం సుకుమార్‌ ఈ చిత్రానికి సీక్వెల్ తెరకెక్కిస్తున్న విషయం తెలిసిందే.

పుష్ప చిత్రానికి మించి పుష్ప2 ఉంటుందని ఇప్పటికే సుకుమార్ ప్రకటించాడు. అందుకు అనుగుణంగానే అత్యంత భారీ బడ్జెట్‌తో ఈ సినిమాను తెరకెక్కిస్తున్నాడు. ఎర్ర చందనం సిండికేట్‌కు లీడర్‌గా మారిన తర్వాత పుష్ప ఎలాంటి ఇబ్బందులు ఎదుర్కొన్నాడు అన్న కథాశంతో ఈ సీక్వెల్ తెరకెక్కుతున్నట్లు స్పష్టమవుతోంది. ఇదిలా ఉంటే గత కొన్ని రోజులుగా పుష్ప సీక్వెల్‌కు సంబంధించిన నెట్టింట కొన్ని పుకార్లు షికార్లు చేశాయి. పుష్ప సీక్వెల్ వాయిదా పడిందని వార్తలు వచ్చాయి.

బన్నీ ఫ్యామిలీతో కలిసి విదేశాలకు వెళ్లడం, గడ్డం ట్రిమ్‌ చేసుకోవడంతో.. అల్లు అర్జున్‌కు, సుకుమార్‌కు మధ్య గ్యాప్‌ వచ్చిందన్న వార్తలు తెగ వైరల్ అయ్యాయి. అయితే తాజాగా చిత్ర యూనిట్ ఈ పుకార్లన్నింటికీ సింపుల్‌గా చెక్‌ పెట్టేసింది. ఈ వార్తల్లో ఏమాత్రం నిజం లేదని తేల్చి చెప్పేసింది. సుమారు నెల రోజులకుపైగా బ్రేక్‌ తర్వాత పుష్ప 2 చిత్రీకరణ ప్రారంభమైంది. తాజా షెడ్యూల్‌ను హైదరాబాద్‌లోని రామోజీ ఫిలిం సిటీలో ప్రారంభించారు.

ఫిలిం సిటీలో ఏర్పాటు చేసిన భారీ సెట్‌లో బన్నీకి సంబంధించిన కొన్ని సన్నివేశాలను తెరకెక్కిస్తున్నారు. ఇవి సినిమా క్లైమాక్స్‌ సన్నివేశాలు కావొచ్చని అభిప్రాయపడుతున్నారు. ఈ సన్నివేశాలు సినిమాకే హైలెట్‌ అవుతాయని మేకర్స్‌ చెబుతున్నారు. ఈ సీన్స్‌లో బన్నీ నట విశ్వరూపం చూస్తారని అంటున్నారు. ఈ సన్నివేశాల చిత్రీకరణ కోసం మేకర్స్ భారీగా ఖర్చు చేస్తున్నారని సమాచారం.