Darling OTT: ఓటీటీ ల‌వ‌ర్స్‌కి గుడ్ న్యూస్‌.. నెల తిరిగే లోపే వ‌చ్చేస్తున్న కామెడీ మూవీ..!

ప్రియ‌ద‌ర్శి, న‌భా న‌టేశ్ జంట‌గా తెర‌కెక్కిన చిత్రం డార్లింగ్‌. విడుద‌ల‌కు ముందే వెరైటీ ప‌బ్లిసిటీతో సినిమాపై హైప్ తీసుకొచ్చారు. మేక‌ర్స్‌. ఫుల్ లెంగ్త్ కామెడీ ఎంట‌ర్‌టైన‌ర్‌గా వ‌చ్చిన ఈ సినిమా జులై 19వ తేదీన థియేట‌ర్ల‌లో విడుద‌లైన విష‌యం తెలిసిందే. కామెడీకి ప్రేక్ష‌కులు ఫిదా అయ్యారు. ఇదిలా ఉంటే థియేట‌ర్ల‌లో ప్రేక్ష‌కుల‌ను ఆక‌ట్టుకున్న ఈ సినిమా ఇప్పుడు ఓటీటీలో స్ట్రీమింగ్ అయ్యేందుకు సిద్ధ‌మ‌వుతోంది.

ప్ర‌ముఖ ఓటీటీ ఫ్లాట్‌ఫామ్ డిస్నీ+ హాట్‌స్టార్ వేదిక‌గా ఈ సినిమా స్ట్రీమింగ్ కానుంది. ఆగ‌స్టు 13వ తేదీ నుంచి ఈ సినిమా స్ట్రీమింగ్ కానుంది. థియేట‌ర్ల‌లో వ‌చ్చిన నెల‌రోజుల్లోపే ఈ సినిమా ఓటీటీలో సంద‌డి చేస్తుండ‌డం విశేషం. న‌వ్వుల రైడ్‌కు అంద‌రూ సిద్ధంగా ఉండండి అంటూ చిత్ర యూనిట్ ఈ విష‌యాన్ని అధికారికంగా ప్ర‌క‌టించింది.

ఇదిలా ఉంటే ఈ సినిన‌మాలో ప్రియ‌ద‌ర్శి, న‌భా నటేశ్‌తో పాటు అన‌న్య న‌గ‌ల్లా, బ్ర‌హ్మానందం, విష్ణు, కృష్ణ తేజ్ వంటి వారు ప్ర‌ధాన పాత్ర‌లో న‌టించారు. ఈ సినిమా క‌థ విష‌యానికొస్తే.. రాఘ‌వ (ప్రియ‌ద‌ర్శి) ఓ ట్రావెల్‌ ఏజెన్సీలో ప‌నిచేస్తుంటాడు. ఒక అంద‌మైన అమ్మాయిని పెళ్లి చేసుకొని ఆమెతో క‌లిసి పారిస్‌కు వెళ్లాల‌ని క‌ల‌లు కంటుంటాడు. ఈ క్ర‌మంలో నందిని (అన‌న్య నాగ‌ళ్ల‌)ని వివాహం చేసుకోవాల‌నుకుంటాడు. అయితే చివ‌రి క్ష‌ణంలో అన‌న్య ప్రేమించి అబ్బాయితో వెళ్లిపోతుంది. దీంతో రాఘ‌వ ఆత్మ‌హ‌త్య చేసుకుందామ‌ని అనుకుంటాడు. అయితే అదే స‌మ‌యంలో రాఘవ జీవితంలోకి ఆనంది (న‌భా న‌టేశ్‌) వ‌స్తుంది. ఆ త‌ర్వాత ఏం జ‌రిగింది అనేదే సినిమా క‌థాంశం.