Allu Arjun Birthday: 'పుష్ప'రాజ్ ఎంట్రీ; రేపు ఉదయం 11 గంటలకు..

Pushpa Prelude: స్టైలిష్ స్టార్ అల్లుఅర్జున్, క్రియోటివ్ డైరెక్టర్ సుకుమార్ కాంబోలో 'పుష్ప' సినిమా వస్తున్న సంగతి తెలిసిందే. ఇప్పటివరకూ స్టైలిష్, క్లాస్ పాత్రల్లో మాత్రమే కనిపించిన అల్లువారి అబ్బాయి.. 'పుష్ప' రాజ్‌గా ప్రేక్షకుల ముందుకు రానున్నాడు.

మైత్రీ మూవీ మేకర్స్ బ్యానర్‌పై తెరకెక్కుతున్న ఈ సినిమా ఈ ఏడాది ఆగస్టు 13న థియేటర్లకు రానుంది. ఇప్పటికే విడుదలైన సినిమా ఫస్ట్‌లుక్ పోస్టర్‌కి ప్రేక్షకుల నుంచి విశేష స్పందన లభించింది. తాజాగా ఓ అప్ డేట్ తో రేపు ఫ్యాన్స్ ను అలరించేందుకు వస్తున్నారు సుకుమార్ టీం.

ఈ నెల 8న స్టైలిష్ స్టార్ పుట్టినరోజు సందర్భంగా 'లోడు దింపతాండం' అంటూ చిత్ర యూనిట్ ట్వీట్ చేసింది. ఇందులో భాగంగా 'పుష్ప రాజ్' ప్రీలూడ్‌ని శనివారం ఉదయం 11 గంటలకు విడుదల చేస్తున్నట్లు ప్రకటించింది. దీంతో ఈ ప్రీలూడ్ కోసం అభిమానులు ఉత్సాహంతో ఎదురు చూస్తున్నారు.

ఈ సినిమాలో రష్మిక మందాన్న హీరోయిన్‌‌గా నటిస్తుండగా.. ప్రకాశ్ రాజ్, జగపతిబాబు, సునీల్ ప్రధాన పాత్రల్లో నటిస్తున్నారు. కన్నడ స్టార్ హీరో.. ఫహద్ ఫాజిల్ విలన్‌గా నటిస్తున్నాడు. ఈ సినిమాకి దేవి శ్రీ ప్రసాద్ సంగీతం అందిస్తున్నాడు.