Adipurush : 'ఆదిపురుష్‌' ఫ్యాన్ మేడ్ వీడియో వైరల్!

Adipurush : యంగ్ రెబల్ స్టార్ ప్రభాస్ తన 22వ చిత్రంగా 'ఆదిపురుష్‌' అనే సినిమాని చేస్తున్న సంగతి తెలిసిందే.. ఇది ప్రభాస్ కి 22 వ సినిమా.. ఈ సినిమాకి 'తానాజీ' ఫేమ్ ఓం రౌత్ ఈ చిత్రానికి దర్శకత్వం వహిస్తుండగా టీ సిరీస్ భూషణ్ కుమార్ ఈ సినిమాను నిర్మిస్తున్నారు. తాజాగా విడుదలైన ప్రీ లుక్ పోస్టర్ ద్వారా ఈ మూవీ చారిత్రక నేపథ్యంలో భారీ ఎత్తున రూపొందనుందని సమాచారం.. ఈ సినిమాను హిందీ, తెలుగు, తమిళ, కన్నడ, మలయాళం భాషల్లో రూపొందిస్తున్నారు.

ఈ సినిమాలో ప్రభాస్ రాముడిగా క‌నిపించ‌నున్నడని తెలియడంతో అభిమానులతో పాటుగా ఇండస్ట్రీలో చాలా ఆసక్తిగా పెరిగింది. అయితే రాముడిగా ప్రభాస్ ఎలా ఉంటాడో చూపిస్తూ ప్రభాస్ అభిమానులు కొందరు కొన్ని డిజైన్స్ రూపొందించారు. చేతితో వేసిన చిత్రాలు, పెయింటింగ్స్‌, డిజిట‌ల్ ఆర్ట్‌, ఫొటోషాప్ స్టిల్స్ తో కలిపి ఓ వీడియోని చేశారు.. ఈ వీడియో ప్రస్తుతం సోషల్ మీడియాలో వైరల్ అవుతుంది.. అయితే ఈ వీడియోని చిత్ర దర్శకుడు ఓం రావ‌త్ తన ట్విట్టర్ లో షేర్ చేశారు.

ఇక ఈ సినిమాలో ప్రభాస్ సరసన నటించబోయే హీరోయిన్ ఎవరు అన్నది కూడా ఆసక్తిగా మారింది. ఈ లిస్టులో మహానటి ఫేం కీర్తి సురేష్, బాలీవుడ్ భామ కీయరా అద్వానీ పేర్లు ప్రముఖంగా వినిపిస్తున్నాయి.. ఇక విలన్ గా ప్రముఖ బాలీవుడ్ నటుడు సైఫ్ అలీ ఖాన్ న‌టించ‌నున్నార‌ని ప్రచారం జ‌రుగుతుంది. దర్శకుడు ఓం రౌత్ తొలి చిత్రం 'తానాజీ'లో కూడా సైఫ్ అలీ ఖాన్ నటించారు. ఇక ఆదిపురుష్‌ చిత్రం దాదాపుగా వెయ్యి కోట్లతో తెరకెక్కనుందని సమాచారం.