Nithiin Marriage Date Fixed: ఈ నెల 26న నితిన్ పెళ్లి?

Nithiin Marriage Date Fixed: లాక్ డౌన్ సమయంలో టాలీవుడ్ కి సంబంధించిన ప్రొడ్యూసర్ దిల్ రాజు, యంగ్ హీరో నిఖిల్ , జబర్దస్త్ ఆర్టిస్ట్ మహేష్ ల పెళ్లిళ్లు అయిపోయాయి. అయితే ఎప్పుడెప్పడా అని ఎదురుచూస్తున్న యంగ్ హీరో నితిన్ పెళ్లి ఖరారు అయినట్టుగా తెలుస్తోంది. ఈ నెల 26న అతికొద్ది మంది సమక్షంలో నితిన్ తన ప్రేయసి షాలిని ని పెళ్లి చేసుకోబోతున్నట్లుగా తెలుస్తోంది. ముందుగా వీరి వివాహాన్ని హైదరాబాదులోని శివారుల్లో ఉన్న ఫామ్ హౌస్‌లో నిర్వహించాలని కుటుంబ సభ్యులు భావించారు..కానీ ఇప్పుడు ఆ పెళ్లిని వధువు ఇంటి వద్దే ప్లాన్ చేసినట్టుగా తెలుస్తోంది.. అయితే దీనిపై అధికారిక ప్రకటన వెలువడాల్సి ఉంది.

ఇక నితిన్ కి తన ప్రేయసి షాలినితో ఇప్పటికే నిశ్చితార్థం జరిగిన విషయం తెలిసిందే.. ఏప్రిల్ 16 న దుబాయిలో వీరి వివాహం చేయాలని ముందుగా ఇరు కుటుంబ పెద్దలు అనుకున్నారు. ఈ తరుణంలో విదేశాల్లో కరోనా వ్యాప్తి పెరగడంతో పెళ్లిని కూడా వాయిదా వేశారు.

ఇక నితిన్ సినిమాల విషయానికి వచ్చేసరికి ఈ ఏడాది ఫిబ్రవరిలో భీష్మ సినిమాతో ప్రేక్షకుల ముందుకు వచ్చిన నితిన్ భారీ విజయాన్ని అందుకున్నాడు.. వెంకీ కుడుముల దర్శకత్వంలో తెరకెక్కిన ఈ సినిమాని సితార ఎంటర్టైన్మెంట్ నిర్మించింది. రష్మీక మందన్నా హీరోయిన్ గా నటించింది. ఈ సినిమా తర్వాత గాంధీ మెర్లపాక దర్శకత్వంలో అందుధాన్ రీమెక్, విభిన్న చిత్రాల దర్శకుడు చంద్రశేఖర్ యేలేటి దర్శకత్వంలో, కృష్ణ చైతన్య దర్శకత్వంలో మరో సినిమాని లైన్ లో పెట్టాడు నితిన్..