Dasara Movie: 'దసరా'లో ఆ పాత్రను వదులకున్న మ్యూజిక్‌ డైరెక్టర్.. ఎవరో తెలుసా.?

Dasara Movie: నాని హీరోగా శ్రీకాంత్ ఓదెల దర్శకత్వంలో వచ్చిన దసరా మూవీ ఎంతటి విజయాన్ని అందుకుందో ప్రత్యేకంగా చెప్పాల్సిన పనిలేదు. మునుపెన్నడూ కనిపించిన విధంగా ఫుల్‌ లెంగ్త్‌ మాస్‌ రోల్‌లో నటించిన నాని ప్రేక్షకులను ఫిదా చేశాడు. ఇక నటి కీర్తి సురేష్‌ కూడా ఈ సినిమా విజయంలో కీలక పాత్ర పోషించందని చెప్పడంలో ఎలాంటి సందేహం లేదు. తెలంగాణ నేపథ్యంలో తెరకెక్కిన ఈ మూవీ బాక్సాఫీస్‌ వద్ద సంచలన విజయాన్ని నమోదు చేసుకుంది. నాని కెరీర్‌లో బెస్ట్‌ సినిమాల్లో ఒకటిగా నిలిచింది.

ఇక ఈ సినిమాలో నాని పాత్రకు ఎంత ప్రధాన్యత ఉందే.. హీరో ఫ్రెండ్‌ రోల్‌లో నటించిన దీక్షిత్ శెట్టికి కూడా అంతే ప్రాధాన్యత ఉందని ప్రత్యేకంగా చెప్పాల్సిన పనిలేదు. సినిమా కథను ములుపు తిప్పే కీలక పాత్రలో దీక్షిత్‌ శెట్టి అద్భుత నటనను కనబరిచాడు. అయితే ఈ పాత్ర కోసం దర్శకుడు మొదట మ్యూజిక్‌ డైరెక్టర్‌, యాక్టర్‌ జీవి ప్రకాష్‌ను అనుకున్నాడంటా. అయితే డేట్స్‌ అడ్జెట్స్‌ కాకపోవడంతో ఆ సినిమాలో నటించలేకపోయానని గతంలో ఇచ్చిన ఓ ఇంటర్వ్యూలో స్వయంగా జీవి ప్రకాష్‌ తెలిపపాడు.

ప్రముఖ మ్యూజిక్‌ డైరెక్టర్‌ ఏఆర్‌ రెహమాన్‌ మేనల్లుడే జీవి ప్రకాష్. తమిళంతో పాటు తెలుగులోనూ ఎన్నో సూపర్ హిట్‌ మూవీస్‌కు సంగీతం అందించాడు. అయితే మంచి కథ, పాత్రలో నటించే అవకాశం వస్తే ఈసారి తప్పకుండా చేస్తానని చెప్పుకొచ్చాడు. ఇక జీవి ప్రకాష్‌ తాజాగా అమరన్, లక్కీ భాస్కర్ సినిమాలకు మ్యూజిక్‌ అందించగా ఈ చిత్రాలు మంచి విజయాన్ని అందుకున్నాయి. మ్యూజిక్‌ పరంగా కూడా ఈ చిత్రాలకు మంచి మార్కులు పడ్డాయని చెప్పాలి.