ఘనంగా ఎమ్మెల్యే రోజా బర్త్ డే వేడుకలు!

అటు సినిమాల్లో, ఇటు రాజకీయాల్లో తనకంటూ ప్రత్యేకమైన గుర్తింపును సంపాదించుకున్నారు రోజా.. నేడు రోజా 48వ పుట్టినరోజు జరుపుకుంటున్నారు.. ఈ సందర్బంగా ఆమెకి అభిమానులు, పార్టీ నేతలు సోషల్ మీడియా ద్వారా శుభాకాంక్షలు తెలియజేస్తున్నారు. ఇక గత రాత్రి త‌న కుటుంబంతో కలిసి పుట్టినరోజు వేడుకలను జరుపుకున్నారు రోజా. దీనికి సంబంధించిన ఫొటోల‌ను రోజా సోషల్ మీడియాలో షేర్ చేయగా ప్ర‌స్తుతం ఈ ఫోటోలు వైరల్ అవుతున్నాయి..

ఇక ఇదిలా ఉంటే రోజా అసలు పేరు శ్రీలత రెడ్డి. రోజా 1972 వ సంవత్సరం నవంబర్ 17న నాగరాజ రెడ్డి, లలితా దంపతులకు చిత్తూరు జిల్లాలోని తిరుపతిలో జన్మించారు. ఇక 'ప్రేమ తపస్సు'సినిమాతో హీరోయిన్ గా ఇండస్ట్రీకి పరిచయమైంది రోజా.. రాజేంద్ర ప్రసాద్ హీరోగా వచ్చిన ఈ సినిమా మంచి ప్రశంసలు అందుకుంది. ఆ తర్వాత సీతారత్నం గారి అబ్బాయి, ముఠామేస్త్రీ, భైరవ ద్వీపం, పెద్దన్నయ్య మొదలుగు సినిమాలలో నటించి స్టార్ హీరోయిన్ గా పేరు సంపాదించుకుంది రోజా.

తమిళ్, తెలుగు బాషలలో సీనియ‌ర్ హీరోలంద‌రితో క‌లిసి న‌టించింది రోజా.. ఇక ఆ తరవాత తమిళ్ దర్శకుడు సెల్వమణిని ప్రేమించి పెళ్లి చేసుకుంది రోజా.. వీరికి ఇద్దరు పిల్లలు ఉన్నారు..ప్రస్తుతం సినిమాలకి దూరంగా ఉంటున్న రోజా పలు షో లకి మాత్రం జ‌డ్జిగా వ్యవహరిస్తూ వస్తోంది.