Mahesh Babu : 'సర్కారు వారి పాట'లో మహేష్ క్యారెక్టర్ ఇదేనట?

Mahesh Babu : ఈ ఏడాది సరిలేరు నీకెవ్వరు సినిమాతో భారీ హిట్ కొట్టాడు సూపర్ స్టార్ మహేష్ బాబు.. ప్రస్తుతం మహేష్ గీతా గోవిందం ఫేం పరుశురాం దర్శకత్వంలో సర్కారీ వారి పాట అనే సినిమాలలో నటిస్తున్నాడు. ఇది మహేష్ బాబుకి 27వ చిత్రం కావడం విశేషం.. మహష్ పుట్టిన రోజు సందర్భంగా రిలీజ్ చేసిన ఈ మూవీ టైటిల్ లుక్, మోషన్ పోస్టర్ ప్రేక్షకులను బాగా ఆకట్టుకుంది. ఇందులో మహేష్ సరసన కీర్తి సురేష్ హీరోయిన్ గా నటిస్తోంది. మైత్రీ మూవీ మేకర్స్, జీఎమ్‌బి ఎంటర్‌టైన్‌మెంట్ ,14 రీల్స్ ప్లస్ సంస్థలు సంయుక్తంగా నిర్మిస్తుండగా, తమన్ సంగీతం అందిస్తున్నాడు.

ఇక ఇది ఇలా ఉంటే తాజా సమాచారం ప్రకారం ఈ సినిమా స్టోరీ లైన్, మహేష్ క్యారెక్టర్ విషయమై రకరకాల న్యూస్ సోషల్ మీడియాలో వైరల్ గా మారింది. బ్యాంకింగ్‌ వ్యవస్థలో జరుగుతున్న మోసాలు, అవినీతికి సంబంధించిన విషయాలతో పక్కా సోషల్ మెసేజ్ కంటెంట్ తో ఈ సినిమా తెరకెక్కుతుందని తెలుస్తోంది. ఇందులో మహేష్ బాబు వడ్డీ వ్యాపారవేత్తగా కనిపించనున్నాడని టాక్ నడుస్తోంది. బ్యాంకింగ్ కుంభకోణాలు ఫోకస్ చేస్తూ సినిమా రెండవభాగం నడుస్తుందని సమాచారం.. ఇందులో కీర్తి రోల్ కామెడీగా ఉంటుందని ఆమె బ్యాంకులో పనిచేసే ఉద్యోగి అని సమాచారం.. త్వరలో ఈ సినిమా పట్టాలెక్కనుంది.

వాస్తవానికి మహేష్ బాబు తన 27వ చిత్రాన్ని వంశీ పైడిపల్లి దర్శకత్వంలో చేయాల్సి ఉంది. కథ అసంపూర్తిగా ఉండడం, మహేష్ చిన్న చిన్న మార్పులు చెప్పడంతో ఈ ప్రాజెక్ట్ ని మహేష్ పక్కన పెట్టారని సమాచారం.. దీనితో లైన్ లోకి పరుశురాం సినిమా వచ్చింది. ఈ సినిమా తర్వాత మహేష్ వంశీతో చేస్తారా లేదా అన్నది చూడాలి మరి!