Nandamuri Balakrishna: కైకాల సత్యనారాయణ బహుముఖ ప్రజ్ఞాశాలి

Nandamuri Balakrishna: ఆహార్యం, అభినయం, ఆంగికాలతో అశేషాభిమానుల్ని సంపాదించుకున్న సీనియర్ నటుడు, బహుముఖ ప్రజ్ఞాశాలి కైకాల సత్యనారాయణ మరణం చిత్రపరిశ్రమతోపాటు, తెలుగు వారికి తీరనిలోటని హిందూపురం ఎమ్మెల్యే నందమూరి బాలకృష్ణ అన్నారు. తెలుగు సినీ వినీలాకాశం ఒక గొప్ప ధ్రువతారను కోల్పోవడం విచారకరమన్నారాయన ఎన్టీఆర్ వంటి మహానుభావుడితో కలిసి సాంఘిక, పౌరాణిక, జానపద చిత్రాల్లో కైకాల చూపిన అభినయం ఎన్నటికీ మరువలేనిదని గుర్తు చేసుకున్నారు. సత్యనారాయణ ఆత్మకు శాంతి కలగాలని ప్రార్థిస్తూ, వారి కుటుంబసభ్యులకు, వారి అభిమానులకు బాలకృష్ణ తన ప్రగాఢ సానుభూతి తెలియజేశారు.