Nani 'V' Movie : అభిమానులకి హీరో నాని ఆఫర్!

Nani 'V' Movie : నాచురల్ స్టార్ నాని, సుధీర్ బాబు క‌థానాయ‌కులుగా ఇంద్రగంటి మోహన‌కృష్ణ డైరెక్షన్ లో తెరకెక్కిన చిత్రం 'V... మొద‌ట ఈ చిత్రాన్ని ఉగాది సంద‌ర్భంగా విడుద‌ల చేయ‌డానికి చిత్ర యూనిట్ చాలా ప్రయ‌త్నాలు చేసింది. కానీ అప్పుడే క‌రోనా వైర‌స్ ఉగ్రరూపం దాల్చడంతో.. థియేట‌ర్స్ అన్ని లాక్ డౌన్ కార‌ణంగా మూత‌ప‌డ‌టంతో ఈ సినిమా విడుదల వాయిదా పడింది. ఈ చిత్రం సెప్టెంబర్ 05 న అమెజాన్ ప్రైమ్ లో విడుదల కానుంది.

ఈ నేపధ్యంలో తన అభిమానులకి మంచి ఆఫర్ ఇచ్చాడు నాని.. తన సినిమా ట్రైలర్ ని విడుదల చేసే అవకాశాన్ని అభిమానులకి కల్పించాడు. " ట్రైలర్ ని మాతో కలిసి మీరు కూడా విడుదల చేయవచ్చు.. మీ ఫోటోను ( నాని స్టైల్ లో ) vthemovie.inలో షేర్ చేయండి. లేదా #TrailerOnPrime అనే హ్యాష్ ట్యాగ్ తో ట్విట్టర్ లేదా ఇన్ స్టా గ్రామ్ లో పోస్ట్ చేయండి. బిగ్ న్యూస్ కోసం వెయిట్ చేయండి" అంటూ నాని వెల్లడించాడు..

ఈ సినిమాలో నాని ఫుల్‌ లెంగ్త్‌ విలన్‌గా కనిపించనుండటం విశేషం. ఇందులో నాని ఓ కిల్లర్ రోల్ పోషించగా, అతన్ని పట్టుకునే పోలీస్ ఆఫీసర్ గా సుధీర్ బాబు కనిపిస్తున్నాడు. ఇప్పటికే రిలీజ్ అయిన సినిమా టీజర్ , ట్రైలర్, సాంగ్స్ సినిమా పైన మంచి అంచనాలు పెంచింది. నివేదా థామ‌స్‌, అదితిరావు హైద‌రి హీరోయిన్లుగా నటించారు.

నాని సినీ కెరీర్ లో 25వ చిత్రంగా రాబోతున్న ఈ సినిమాను శ్రీ వెంక‌టేశ్వర క్రియేష‌న్స్ ప‌తాకంపై రూపొందించగా.. శిరీష్‌,ల‌క్ష్మణ్‌,హ‌ర్షిత్ నిర్మాత‌లుగా వ్యవహరించారు. సైరా నరసింహా రెడ్డి చిత్రానికి సంగీతం అందించిన అమిత్ త్రివేది బాణీలు అందించారు. సినిమా పైన భారీ అంచనాలు ఉన్నాయి.