Pawan Kalyan: పవన్ సినిమాను తిరస్కరించిన ఫిదా బ్యూటీ

Sai Pallavi: ఫిదా హైబ్రీడ్ పిల్ల సాయి పల్లవి తన నటనతోనూ, డ్యాన్స్‌తోనూ ప్రేక్షకులను అలరిస్తోంది. ప్రస్తుతం 'లవ్‌స్టోరీ' సినిమాలో నాగ చైతన్య రొమాన్స్‌ చేస్తుంది. ఇటీవలే ఈ సినిమాలోని 'సారంగదరియా' విడుదలైంది. ఈ పాట ఇప్పటికీ ట్రెండింగ్‌లో కొనసాగుతోంది. ఈ పాటలో సాయి పల్లవి డ్యాన్స్‌కు నెటిజన్లు ఫిదా అవుతున్నారు.

కాగా, మలయాళ సూపర్ హిట్ చిత్రం 'అయ్యప్పన్ కోషియం' రీమేక్ చేస్తున్న సంగతి తెలిసిందే. పవర్ స్టార్ పవన్ కళ్యాణ్ హీరోగా రాబోయే ఈ రీమేక్ లో హీరోయిన్ గా నటించేందుకు సాయి పల్లవిని మూవీ టీం సంప్రదించారని తెలిసిందే. కానీ, తాజా నివేదికల ప్రకారం, డేట్స్ సర్దుబాటు కాకపోవడంతో ఫిదా బ్యూటీ ఈ ఆఫర్‌ను సున్నితంగా తిరస్కరించిందంట. దీంతో 'అయ్యప్పన్ కోషియం' తెలుగు రీమేక్ లో సాయి పల్లవి నటించడం లేదు. ఈ చిత్రంలో రానా దగ్గుబాటి కూడా ఒక ప్రధాన పాత్రలో నటిస్తున్నారు.

ఈ చిత్రం షూటింగ్ ఇటీవలే ప్రారంభమైంది. ప్రస్తుతం ఈ సినిమా కోసం మరో హీరోయిన్‌ను వెదకడంలో మేకర్స్ బిజీగా ఉన్నారు.