ఆర్ ఆర్ ఆర్ పోస్టర్ (ట్విట్టర్ ఫోటో)
RRR Movie Update: తెలుగు ప్రేక్షకులు ఎంతో ఆసక్తిగా ఎదురుచూస్తున్న సినిమా "ఆర్ ఆర్ ఆర్". రాజమౌళి దర్శకత్వం వహిస్తున్న ఈ సినిమాలో మెగా పవర్ స్టార్ రామ్ చరణ్ అల్లూరి సీతారామరాజు పాత్రలో కనిపిస్తుండగా, యంగ్ టైగర్ ఎన్టీఆర్ కొమరం భీమ్ పాత్రలో ప్రేక్షకులను అలరించనున్నారు. ఆలియా భట్, సముతిరఖని, అజయ్ దేవగన్ వంటి స్టార్లు ముఖ్య పాత్రలు పోషిస్తున్న ఈ సినిమా ఈ ఏడాది అక్టోబర్ 13వ తేదీన విడుదల కాబోతున్నట్టు దర్శక నిర్మాతలు ఇప్పటికే ప్రకటించారు. ప్రస్తుతం ఈ సినిమా షూటింగ్ ఉక్రెయిన్ లో జరుగుతోంది.
ఈ సినిమాకి సంబంధించిన ఒక స్పెషల్ సాంగ్ షూటింగ్ తో చిత్రబృందం బిజీగా ఉంది. నిజానికి ఈ పాట షూటింగ్ నిన్ననే పూర్తి కావాలి కానీ కొన్ని అనివార్య కారణాల వల్ల షూటింగ్ వాయిదా పడటంతో చిత్ర బృందం మరొక వారం పాటు ఉక్రెయిన్లోనే ఉండాల్సి వస్తోంది. ఈ నేపథ్యంలోనే ఒక షాకింగ్ వార్త అభిమానులను కలవర పెడుతోంది. ఈ సినిమా విడుదలను వాయిదా వేయాలని దర్శకనిర్మాతలు ప్రయత్నిస్తున్నారని ఇండస్ట్రీ వర్గాల బోగట్టా. ఉక్రెయిన్ నుంచి తిరిగివచ్చాక రాజమౌళి ఒక ప్రెస్ మీట్ ను ఏర్పాటు చేసి అందులో సినిమాకి సంబంధించిన కొత్త విడుదల తేదీని ప్రకటించనున్నారు అని తెలుస్తోంది.