Saindhav: సైంధ‌వ్‌... 'హిట్' క‌థే..!

Saindhav: ఈ మధ్యనే "ఎఫ్ 3" సినిమాతో మంచి హిట్ అందుకున్న విక్టరీ వెంకటేష్ తాజాగా ఇప్పుడు "సైంధవ్" అనే సినిమాతో ప్రేక్షకుల ముందుకు రాబోతున్నారు. "హిట్", "హిట్ 2" వంటి బ్లాక్ బస్టర్ సినిమాలను అందించిన శైలేష్ కొలను ఈ సినిమాకి దర్శకత్వం వహిస్తున్నారు. శైలేష్ కొలను మరియు వెంకటేష్ కాంబినేషన్ లో సినిమా కాబట్టి అభిమానులు కూడా ఈ సినిమా కోసం ఆసక్తిగా ఎదురుచూస్తున్నారు.

యాక్షన్ త్రిల్లర్ గా ప్రేక్షకుల ముందుకు రాబోతున్న ఈ సినిమాకి సంబంధించిన గ్లింప్స్ ని కూడా చిత్ర బృందం విడుదల చేసింది. అయితే తాజాగా ఈ సినిమాకి సంబంధించిన ఒక ఆసక్తికరమైన వార్త ఇప్పుడు సోషల్ మీడియాలో అందరి దృష్టిని ఆకర్షిస్తోంది. హిట్ సిరీస్ లాగానే ఈ సినిమానీ కూడా శైలేష్ కొలను హిట్ ఫ్రాంచెస్ లాగా ప్లాన్ చేస్తున్నారని తెలుస్తోంది. అంటే హిట్ ఫ్రాంచైజ్ లాగా ఈ సినిమా కూడా ఒక ఇన్వెస్టిగేటివ్ థ్రిల్లర్ గా ప్రేక్షకుల ముందుకి రాబోతోంది. వెంకటేష్ ఈ సినిమాలో పోలీస్ ఆఫీసర్ పాత్రలో కనిపించబోతున్నారు.

హిట్ సినిమాలో హీరోల లాగానే ఈ సినిమాలో వెంకటేష్ కూడా ఏదో ఒక కేసుని ఇన్వెస్టిగేట్ చేస్తూ ఉంటారు. అయితే హిట్ సినిమాలని నాని నిర్మిస్తున్నారు. కాబట్టి ఆ టైటిల్ను ఈ సినిమాకి పెట్టే అవకాశం లేదు. అందుకే ఈ సినిమా కోసం శైలేష్ "సైంధవ్" అనే టైటిల్ను ఖరారు చేశారు. ఇక ఇప్పటికే ఇటువంటి ఇన్వెస్టిగేటివ్ థ్రిల్లర్స్ తో మంచి హిట్లు అందుకున్న శైలేష్ కొలను ఈసారి వెంకటేష్ సినిమాతో కూడా అదే రేంజ్ హిట్ అందుకుంటారో లేదో వేచి చూడాలి.