సినిమా రంగంలో తెలుగు హీరోయిన్లు చాలా అరుదు అని తెలిసిందే. టాలీవుడ్ లో ఇతర భాషల హీరోయిన్ల డామినేషన్ ఎక్కువగా ఉంటుందనేది బహిరంగ రహస్యమే. అయితే ఇటీవల కొంతమంది తెలుగు అమ్మాయిలు కూడా సినిమా రంగంలో రాణిస్తున్నారు. మంచి మంచి పాత్రలతో తమకంటూ ఓ ప్రత్యేక స్థానాన్ని సంపాదించుకుంటున్నారు. కేవలం ట్రెడిషనల్ లుక్ లో మాత్రమే కాకుండా, గ్లామర్ పాత్రల్లో కూడా నటిస్తూ మెప్పిస్తున్నారు.
పైన ఫోటోలో కనిపిస్తున్న అమ్మడు కూడా తెలుగు హీరోయిన్. చిన్న నటీమణిగా కెరీర్ మొదలుపెట్టి ఇండస్ట్రీలో మంచి గుర్తింపును సంపాదించుకుంది. ఇటీవల ఓ వెబ్ సిరీస్ లో బోల్డ్ పాత్రలో నటించిన ఈ చిన్నది తనలోని నట విశ్వరూపాన్ని చూపించింది. ఇక తాజాగా రామ్ చరణ్ హీరోగా నటిస్తున్న గేమ్ చేంజర్ మూవీలో కూడా కీలక పాత్రలో నటిస్తోంది. ఇంతకీ ఈ బ్యూటీ ఎవరో గుర్తుపట్టారా.? అవును పదహారణాల తెలుగుమ్మాయి అంజలీనే.
2006లో వచ్చిన కలర్ అనే సినిమాతో తెలుగు ప్రేక్షకులను పలకరించిన ఈ చిన్నది తొలి సినిమాతోనే తన సహజ నటనతో ప్రేక్షకులను మెస్మరైజ్ చేసింది. అనంతరం పలు తమిళ, మలయాళ సినిమాల్లో నటించిన ఈ చిన్నది మహేష్ బాబు, వెంకటేష్ హీరోలుగా వచ్చిన సీతమ్మ వాకిట్లో సిరిమల్లె చెట్టు సినిమా ద్వారా మంచి గుర్తింపు సంపాదించుకుంది.
ఇక గీతాంజలి ద్వారా లేడీ ఓరియెంటెడ్ మూవీలో కూడా నటించింది. ఇక జీ5లో విడుదలైన బహిష్కరణ అనే వెబ్ సిరీస్ లో అద్భుత నటనను కనబరించింది. ప్రస్తుతం ఈ బ్యూటీ చేతిలో కేవలం రెండు సినిమాలు మాత్రమే ఉన్నాయి. అయితే సినిమాలు లేకపోయినా సోషల్ మీడియా ద్వారా నిత్యం అభిమానులతో టచ్ లో ఉంటోందీ బ్యూటీ. తన లేటెస్ట్ అప్ డేట్స్ ని ఎప్పటికప్పుడు అభిమానులతో పంచుకుంటోంది.