Actress: ఈ ఫొటోలో ఉన్న చిన్నారి ఎవరో గుర్తుపట్టారా.? ఇప్పుడు పాపులర్‌ హీరోయిన్‌..

Actress: పాత ఫొటో ఆల్బమ్స్ ను తిరగేస్తుప్పుడు మన చిన్ననాటి ఫొటోలను చూసుకుంటూ తెగ మురిసిపోతుంటాం. అప్పుడు ఎలా ఉన్నాం, ఇప్పుడెలా మారాం అనుకుంటుంటాం. అయితే సోషల్‌ మీడియా అందుబాటులోకి వచ్చిన తర్వాత ఇలా చిన్న తనంలో దిగిన ఫొటోలను సోషల్‌ మీడియాలో పోస్ట్‌ చేసే అలవాటు బాగా పెరిగింది. ముఖ్యంగా హీరోయిన్లు తమ చిన్న నాటి ఫొటోలను అభిమానులతో షేర్‌ చేసుకుంటున్నారు. ఇలాగే తాజాగా ఓ అందాల నటి తన చిన్ననాటి ఫొటోలను ఇన్‌స్టాగ్రామ్‌లో పోస్ట్ చేసింది.

పైన ఫొటోలో కనిపిస్తున్న చిన్నారిని చూశారుగా. ఇంతకీ ఈ చిన్నారి ఎవరో గుర్తుపట్టారా.? ఇప్పుడు ఈ బ్యూటీ కుర్రకారు హృదయాలను కొల్లగొడుతోంది. తెలుగుతో పాటు హిందీ, తమిళం ఇలా అన్ని భాషల్లో నటించి మెప్పించింది. టాలీవుడ్‌ ద్వారా ఇండస్ట్రీకి పరిచయమైన ఈ చిన్నది దాదాపు అందరు స్టార్‌ హీరోల సరసన ఆడిపాడింది. ఇంతకీ ఈ చిన్నరి ఎవరో గుర్తుపట్టారా.? నాగచైతన్య సినిమాతోనే వెండి తెరకు ఎంట్రీ ఇచ్చింది.

ఇపాటికే ఈ బ్యూటీ ఎవరో ఒక క్లారిటీ వచ్చి ఉంటుంది కదూ! అవును మీ గెస్‌ కరెక్ట్‌. ఈ చిన్నారి మరెవరో కాదు అందాల బుట్టబొమ్మ పూజా హెగ్డే. తాజాగా బాలల దినోత్సవాన్ని పురస్కరించుకొని ఈ బ్యూటీ తన చిన్న నాటి ఫొటోలకు సంబంధించిన ఓ వీడియోను షేర్‌ చేసింది. తన చిన్నతనంలో ఒక పెళ్లి వేడుకల్లో దిగిన ఫోటోలని షేర్ చేసుకుంది. ఆ పెళ్ళిలో తను చేసిన అల్లరి కూడా చూపించింది.

ఈ వీడియోతోపాటు.. 'మన జీవితంలో మనకి ఇష్టమైన వధువును విడిచిపెట్టి వెళ్లలేం. వాళ్ళ పెళ్ళిలో వరుడు కంటే ఎక్కువ ఫోటోలు ఒక చిన్నారివి ఉంటాయి. ఆ చిన్నారి నేనే.. మీ మనసులోని చిన్నారిని ఎప్పటికీ మర్చిపోకండి అంటూ చిల్డ్రన్స్ డే స్పెషల్ గా విషెష్ చెప్ ఈ వీడియోను పోస్ట్‌ చేసింది. దీంతో ఈ వీడియో కాస్త నెట్టింట తెగ వైరల్‌ అవుతోంది. ఇదిలా ఉంటే ఇటీవల కెరీర్‌ పరంగా కాస్త వెనుకబడ్డ పూజా హెగ్డే ఇప్పుడు మళ్లీ వరుస అవకాశాలతో దూసుకపోయేందుకు సిద్ధమవుతోంది.