Cruise Drugs Case: జైలుకి వెళ్లి కొడుకును కలిసిన షారుక్ ఖాన్

Cruise Drugs Case: డ్రగ్స్ కేసులో అరెస్టయి ముంబైలోని ఆర్థర్ రోడ్ జైలులో ఉన్న కుమారుడు ఆర్యన్ ఖాన్‌ ను కలిశాడు బాలీవుడ్ నటుడు షారుక్ ఖాన్. తనయుడితో కొద్దిసేపు మాట్లాడి తిరిగి వెళ్లిపోయారు. ఈ నెల 2న ఆర్యన్ అరెస్ట్ తర్వాత షారుక్ అతన్ని కలవడం ఇదే తొలిసారి. గత వారం షారుక్ తో పాలు అతని భార్య గౌరీ ఖాన్ జైల్లో ఉన్న ఆర్యన్‌తో వీడియో కాల్‌లో మాట్లాడారు. ఇప్పటికే ఈ కేసులో ప్రత్యేక కోర్టు రెండు సార్లు ఆర్యన్‌కు బెయిల్ నిరాకరించింది. ఈ క్రమంలో కుమారుడిని చూసేందుకు షారుక్ ఖాన్ జైలుకు వచ్చారు. మరోవైపు కేసు విచారణలో భాగంగా షారుక్ మేనేజర్, న్యాయవాదులు ఆర్యన్‌తో సంప్రదింపులు జరుపుతున్నారు. ఇప్పటికే ప్రత్యేక కోర్టు పలుమార్లు బెయిల్ నిరాకరించడంతో ఆర్యన్ బాంబే హైకోర్టును ఆశ్రయించనున్నాడు.