Bigg Boss 7 Telugu: బిగ్‌బాస్‌ 7 విన్నర్‌గా రైతుబిడ్డ

Bigg Boss 7 Telugu: బిగ్‌బాస్‌ హౌస్‌ లోకి కామన్‌మెన్‌గా వెళ్లిన రైతుబిడ్డ, యూట్యూబర్‌ పల్లవి ప్రశాంత్‌ బిగ్‌బాస్‌-7 విజేతగా నిలిచాడు. ఉల్టా పుల్టా అంటూ గత సెప్టెంబర్ మూడో తేదీన బిగ్ బాస్ సీజన్ -7 ప్రారంభమైంది. 105 రోజుల పాటు సాగిన ఈ బిగ్ బాస్‌లో తొలి రోజు 14 మంది, 35వ రోజు ఐదుగురు హౌస్ లోకి వెళ్లారు.

చివరికి టాప్-6లో ఫైనలిస్టులుగా అమర్ దీప్, అర్జున్, ప్రశాంత్, ప్రియాంక, శివాజీ, యావర్ నిలిచారు. అయితే.. చివరి వరకూ నటుడు అమర్‌దీప్‌, పల్లవి ప్రశాంత్‌ మధ్య తీవ్ర పోటీ నెలకొంది. ప్రేక్షకుల నుంచి అత్యధిక ఓట్లు సంపాదించిన పల్లవి ప్రశాంత్‌ బిగ్‌బాస్‌ సీజన్‌-7 టైటిల్‌ను సొంతం చేసుకున్నట్టు వ్యాఖ్యాత నాగార్జున ప్రకటించారు. ఇక.. రన్నరప్‌గా అమర్‌దీప్‌ నిలిచారు. సినీ నటుడు శివాజీ మూడో స్థానానికే పరిమితమయ్యారు.