హీరోలతో పోల్చితే హీరోయిన్లకు వచ్చే క్రేజే వేరుగా ఉంటుంది. ఒక్క రోజులోనే స్టార్ హీరోయిన్‌గా ఎదిగిపోతుంటారు. అయితే వచ్చిన ఆ స్టార్ డమ్‌ మాత్రం హీరోలతో పోల్చితే ఎక్కువ కాలం ఉండదు. ఇండస్ట్రీలో తెర మరుగైన ఎందరో హీరోయిన్లే దీనికి సాక్ష్యంగా చెప్పొచ్చు. అలాంటి ఓ హీరోయిన్‌ గురించి ఇప్పుడు తెలుసుకుందాం. తొలి సినిమాతోనే అందంతో, అభినయంతో కుర్రకారు హృదయాలను కొల్లగొట్టిన అందాల తార ప్రస్తుతం పెద్దగా సినిమాల్లో నటించడం లేదు.
ఆ హీరోయిన్‌ మరెవరో కాదు వేదిక. నారా రోహిత్‌ హీరోగా తెరకెక్కిన బాణం సినిమాతో తెలుగు ప్రేక్షకులకు పరిచయమైందీ అందాల తార. తొలి సినిమాతోనే తన నటనతో మెస్మరైజ్‌ చేసింది. కాగా ఈ బ్యూటీ 2006లో తమిళ సినిమా ద్వారా ఇండస్ట్రీకి పరిచయమైంది వేదిక. ఈ సినిమాలో గ్లామర్‌ పాత్రకు దూరంగా ట్రెడిషినల్‌ లుక్‌లో నటించి మెప్పించింది.
కాగా ఈ సినిమా తర్వాత ముని, రూలర్ చిత్రాల్లో నటించింది. అయితే ఆ తర్వాత కొన్నేళ్లపాటు సినిమాలకు దూరంగా ఉంటూ వచ్చిన వేదిక.. తాజాగా మళ్లీ ఇండస్ట్రీలోకి రీఎంట్రీ ఇచ్చింది. మంచులక్ష్మి నటించిన యక్షిణి చిత్రంలో నటించింది. సినిమాల్లో అడపాదడపా కనిపిస్తున్న వేదిక సోషల్‌ మీడియాలో మాత్రం చాలా యాక్టివ్‌గా ఉంటోంది. తన లేటెస్ట్ ఫొటోలను ఎప్పటికప్పుడు అభిమానులతో షేర్ చేస్తోంది.
ఈ క్రమంలోనే తాజాగా చీర కట్టులో దిగిన ఫొటోను అభిమానులతో పంచుకోగా. ఆ ఫొటోలు కాస్త వైరల్ అవుతున్నాయి. చీర కట్టులోనే అందాలను ఒలకబోస్తూ వేదిక ఇచ్చిన
స్టిల్స్ కుర్రకారు హృదయాలను కొల్లగొడుతోంది. ఇదిలా ఉంటే వేదికకు ప్రస్తుతం ఇన్‌స్టాగ్రామ్‌లో 4 మిలియన్ల మంది ఫాలోవర్లు ఉన్నారు.