Tuck Jagadish Trailer Release: టక్ చెదరకుండా ట్రైలర్ తో వచ్చేసిన జగదీష్

Tuck Jagadish Trailer: న్యాచురల్ స్టార్ నాని త్వరలో 'టక్ జగదీష్' సినిమాతో అమెజాన్ ప్రైమ్ ఓటీటీ ప్లాట్ఫామ్ ద్వారా తెలుగు ప్రేక్షకుల ముందుకు రాబోతున్నారు. మాస్ ఫ్యామిలీ డ్రామాగా తెరకెక్కిన ఈ చిత్రంపై ఇప్పటికే భారీ అంచనాలు ఉన్న నిర్మాతలు మాత్రం మంచి ఆఫర్ రావడంతో థియేటర్స్ లో కాకుండా ఓటీటీలో విడుదలకు మొగ్గు చూపారు. "మజిలీ", "నిన్నుకోరి" వంటి సూపర్ హిట్ చిత్రాలకు దర్శకత్వం వహించిన శివ నిర్వాణ ఈ సినిమాకు దర్శకత్వం వహించారు. ఈ సినిమా షూటింగ్ కొంతకాలం క్రితమే పూర్తయిపోయినప్పటికీ కరోనా కారణంగా సినిమా విడుదల వాయిదా పడుతూ వచ్చింది.

తాజాగా ఈ సినిమాకి సంబంధించిన ట్రైలర్ ని చిత్ర యూనిట్ విడుదల చేసింది. విడుదలైన కొద్దిసేపట్లోనే మిలియన్ వ్యూస్ తో టక్ జగదీష్ యూట్యూబ్ లో ట్రేండింగ్ లో ఉంది. షైన్ స్క్రీన్స్ బ్యానర్ పై సాహు గరపాటి, హరీష్ పెద్ది ఈ చిత్రానికి నిర్మాతలుగా వ్యవహరించగా హీరో నానికి జోడిగా రీతూ వర్మ నటించగా ఎస్ ఎస్ తమన్ తన సంగీతాన్ని అందించాడు. టక్ జగదీష్ చిత్రాన్ని సెప్టెంబర్ 10న అమెజాన్ ప్రైమ్ లో విడుదల చేసి ప్రేక్షకుల ముందుకు రాబోతున్నారు.