నీ లాంటి వ్యక్తి నా జీవితంలోకి రావడం అదృష్టం.. సమంత ఎమోషనల్‌ పోస్ట్‌

Samantha: నాగచైతన్యతో విడాకులు తీసుకున్న తర్వాత సమంత చాలా సమయం తన స్నేహితులతోనే గడుపుతోంది. ఈమధ్యనే తన ఫ్రెండ్‌ శిల్పా రెడ్డితో కలిసి చార్థామ్ దర్శించుకుంది సామ్. తాజాగా సమంత ఇప్పుడు తన స్నేహితురాలు డాక్టర్‌ మంజుల అనగాని పుట్టిన రోజు వేడుకకి హాజరైంది ఈ "ఓ బేబీ" బ్యూటీ. సమంతతో పాటు లేడీ డైరెక్టర్‌ నందిని రెడ్డి కూడా హాజరయ్యారు. ఈ నేపథ్యంలో సోషల్‌ మీడియా వేదికగా అభిమానులతో పంచుకుంది సమంత.

మంజులను ఉద్దేశిస్తూ, "నీ లాంటి స్నేహితురాలు నా జీవితంలోకి రావడం నా అదృష్ణంగా భావిస్తున్నాను" అని అన్నారు సమంత. "కష్ట సమయంలో ఉన్నపుడే నిజమైన ఫ్రెండ్ ఎవరో తెలుస్తుందని అందరూ అంటారు. నీ కంటే నిజమైన ఫ్రెండ్ నాకు ఎవ్వరూ లేరు డాక్టర్. నేను నిన్ను ఎంతగా ప్రేమిస్తున్నానో నీకు తెలిసి ఉంటుందని అనుకుంటున్నాను. హ్యాపీ బర్త్ డే" అని చెప్పుకొచ్చింది. డాక్టర్‌ మంజుల ఓ ప్రముఖ గైనకాలజిస్ట్‌. పద్మశ్రీ అవార్డు గ్రహిత కూడా. టాలీవుడ్‌లో చాలా మంది తారలతో ఆమెకు పరిచయాలు ఉన్నాయి.