Bigg Boss 7 Telugu: బిగ్‌బాస్‌ విన్నర్‌గా రైతుబిడ్డ.. లీక్ చేసిన ఆట సందీప్ భార్య

Pallavi Prashanth: జీవితంలో ఒక్కసారైనా దేశ వ్యాప్తంగా పేరుగాంచిన బిగ్‌బాస్‌ షోకి వెళ్లాలని చాలామంది కోరుకుంటారనడంలో సందేహం లేదు. ఎంతో మంది ఎదురుచూసినా.. చాలా కొద్దిమందికి మాత్రమే ఈ ఛాన్స్ దక్కుతుంది. బిగ్ బాస్ హౌస్‌లోకి వెళ్లిన కొంతమందిలో ఎంతో మార్పు వస్తుంది. బుల్లితెరపై ఎంతో సక్సెస్ ఫుల్‌గా దూసుకపోతోన్న ఈ బిగ్ బాస్.. ప్రస్తుతం ఏడో సీజన్‌ను కూడా పూర్తి చేసుకోనుంది. నేటితో బిగ్‌బాస్‌ 7 తెలుగు సీజన్ పూర్తికానుంది. గ్రాండ్ ఫినాలే జరుగుతోంది. కొద్దిసేపట్లో అసలు విజేత ఎవరు అనేది తేలిపోనుంది. ఆరుగురు కంటెస్టెంట్లు ఫినాలేలో అడుగుపెట్టిన సంగతి తెలిసిందే. అయితే, వీరిలో ముగ్గురు అర్జున్‌, ప్రియాంక, ప్రిన్స్‌ యావర్ ఇఫ్పటికే ‌ఎలిమినేట్‌ అయ్యారని వార్తలు వినిపించాయి. ఫైనల్ షూటింగ్ ఇప్పటికే పూర్తియింది.

నీ కష్టం వృథాగా పోదురా తమ్ముడు..

మిగిలిన ముగ్గురిలో విన్నర్ నేడు తేలిపోతుంది. అయితే, నిన్న సోషల్ మీడియాలో వినిపించిన వార్తల మేరకు పల్లవి ప్రశాంత్‌ బిగ్‌బాస్‌ 7 విన్నర్‌ అని తేలింది. కాగా, ఇదే విషయాన్ని ఆట సందీప్‌ భార్య జ్యోతిరాజ్‌ సందీప్ ఇన్‌స్టా స్టోరీలో షేర్ చేసింది. ఈమేరకు ' నువ్వు పడ్డ కష్టం వృథాగా పోదు.. దేవుడు నిన్ను చల్లగా చూడాలిరా తమ్ముడు' అంటూ ఓ వీడియోను పంచుకుంది. అలాగే, ఈ వీడియోలో స్పై(శివాజీ, ప్రశాంత్‌, ప్రిన్స్‌ యావర్‌) ఫ్యాన్స్ అంతా ఆదివారం రాత్రి 8.30 గంటలకు అన్నపూర్ణ స్టూడియోకి రావాలని పేర్కొంది. సందీప్‌ మాస్టర్‌ ఫినాలే షూటింగ్‌లో ఉన్న సంగతి తెలిసిందే. దీంతో ఈ వార్త నిజమయ్యే అవకాశం ఉందని అంటున్నారు.