అన్ని విషయాల్లోనూ చిరంజీవి సూచనలు ఫాలో అవుతున్న డైరెక్టర్

Chiranjeevi: "వాల్తేరు వీరయ్య" సినిమా విడుదల కి ముందు మెగాస్టార్ చిరంజీవి కొరటాల శివ దర్శకత్వంలో "ఆచార్య" అనే సినిమాలో నటించారు. ఆ సినిమా బాక్స్ ఆఫీస్ వద్ద డిజాస్టర్ అయిన సంగతి తెలిసిందే. ఆ తరువాత కొన్ని సందర్భాల్లో ఈ సినిమా గురించి మాట్లాడినప్పుడు చిరంజీవి ఇన్ డైరెక్ట్ గా కొరటాల శివ వల్లే సినిమా ఫ్లాప్ అయిందని కామెంట్లు చేసిన సంగతి తెలిసిందే. అయితే ఈ మధ్యనే "వాల్తేరు వీరయ్య" సినిమా విషయంలో చిరంజీవి చాలా సార్లు స్క్రిప్ట్ లో తల దూర్చారని కొన్నిసార్లు షూటింగ్ కూడా ఆపేసి మరీ కథలో మార్పులు చేర్పులు చేశారని అందరికీ తెలిసిందే.

కట్ చేస్తే సినిమా విడుదలై సూపర్ హిట్ అయింది. దీంతో మెగాస్టార్ చిరంజీవి కి మెగాస్టార్ కి ఆడియన్స్ పల్స్ తెలుసని స్క్రిప్ట్ చిరంజీవి చేతుల్లోకి వెళితేనే సినిమా హిట్ అవుతుందని నిర్మాతలు కూడా నమ్మటం మొదలుపెట్టారు. ఈ నేపథ్యంలోనే మెగాస్టార్ తదుపరి సినిమాల విషయంలో కూడా అదే చేయమని నిర్మాతలు కోరుతున్నట్లు తెలుస్తోంది. ప్రస్తుతం మెగాస్టార్ చిరంజీవి మెహర్ రమేష్ దర్శకత్వంలో "భోళా శంకర్" అనే సినిమాలో నటిస్తున్నారు.

ఇప్పటిదాకా మెహర్ రమేష్ కరియర్ లో పెద్ద చెప్పుకోదగ్గ బ్లాక్ బస్టర్లు ఏమీ లేవు. ఈ నేపథ్యంలో చిరంజీవి ఈ సినిమా విషయంలో బాగా జాగ్రత్తలు తీసుకుంటున్నట్లు తెలుస్తోంది. మరోవైపు రమేష్ కి ఈ సినిమా సూపర్ హిట్ అవడం చాలా ముఖ్యం. అందుకే చాలా వరకు విషయాలను చిరంజీవికే వదిలేస్తున్నట్లు తెలుస్తోంది. షాట్ మేకింగ్, యాక్షన్ సన్నివేశాలు, డిజైన్స్ మరియు కొరియోగ్రఫీ విషయంలో కూడా మెహర్ రమేష్ చిరంజీవి సూచనలు పాటిస్తున్నట్లు తెలుస్తోంది.